Магутнасць

Магутнасць
$N = \frac{dA}{dt}$
Размернасць	L2MT−3
Адзінкі вымярэння
СІ	Вт
СГС	эрг·с−1

Магу́тнасць – скалярная фізічная велічыня, якая характарызуе хуткасць выканання работы сілаю. Больш фармальна, магутнасць сілы - гэта вытворная яе работы па часе:

$P = \frac {dA} {dt}$

Для канечных адрэзкаў часу можна вызначыць сярэднюю магутнасць сілы як дзель работы на час, за які яна была выканана:

$P = \frac{A}{t}$

З улікам азначэння работы, формулу магутнасці можна перапісаць наступным чынам:

$P = \frac {dA} {dt} = \frac {\mathbf{F} d\mathbf{r}} {dt} = \mathbf{F} \cdot \mathbf{v}$

Такім чынам, магутнасць сілы, якая дзейнічае на матэрыяльны пункт, роўная скалярнаму здабытку сілы і хуткасці матэрыяльнага пункта. Велічыня магутнасці складае здабытак абсалютных велічынь сілы, хуткасці матэрыяльнага пункта і косінуса вугла паміж імі.

Прыборы для вымярэння магутнасці

• Ватметр
• Варметр
• Фазометр