Манумент ідэй чучхэ

З пляцоўкі Вікіпедыя
(Пасля перасылкі з Манумент ідэй Чучхэ)
Перайсці да: рух, знайсці
Помнік
Манумент ідэй чучхэ
кар.: 주체사상탑
Juche Tower.jpg
Каардынаты: 39°01′03.52″ пн. ш. 125°45′48.05″ у. д. / 39.017644° пн. ш. 125.763347° у. д. (G) (O) (Я)39°01′03.52″ пн. ш. 125°45′48.05″ у. д. / 39.017644° пн. ш. 125.763347° у. д. (G) (O) (Я)
Краіна Паўночная Карэя
Горад Пхеньян
Дата пабудовы 1982 год

Манумент ідэй чучхэ (кар.: 주체사상탑) — помнік у Пхеньяне, пабудаваны ў 1982 годзе ў гонар 70-годдзя Кім Ір Сена. Уяўляе сабой абеліск з граніту вышынёй 170 метраў (вышыня слупа - 150 метраў, вышыня паходні - 20 метраў). З'яўляецца другім па вышыні збудаваннем у Пхеньяне. Ля падножжа размешчана 30-метровая бронзавая скульптурная група з трох фігур, якія прадстаўляюць селяніна, рабочага і працоўнага інтэлігента.

На поўдзень і поўнач ад манумента зроблены сквер, у якім размешчаны яшчэ 6 скульптурных груп з белага каменя (па тры з поўначы і з поўдня ад манумента), якія прадстаўляюць працоўных розных прафесій, ваенных і іншых прадстаўнікоў карэйскага народа, выкананыя ў тыповым стылі сацрэалізму. На рацэ Тэдан перад манументам зроблены два фантаны, якія выкідваюць ваду больш чым на сто метраў, падсвятляюцца па начах. З пачатку 90-х як фантаны, так і падсвятленне працуюць вельмі рэдка.

Усярэдзіне манумента ёсць ліфт, з дапамогай якога можна падняцца на назіральную пляцоўку наверсе. З паўднёвага боку ля асновы манумента ёсць ніша, сцены якой ўпрыгожаны каменнымі пліткамі, падоранымі рознымі высокапастаўленымі гасцямі Пхеньяна, таварыствамі сяброўства з КНДР, замежнымі гурткамі па вывучэнні ідэй чучхэ і іншымі сябрамі Паўночнай Карэі.

Спасылкі[правіць | правіць зыходнік]