Міхаіл Кузьміч Дабрынін

Міхаіл Кузьміч Дабрынін
руск.: Михаил Кузьмич Добрынин
Дата нараджэння	23 студзеня 1889(1889-01-23) ці 1899
Месца нараджэння	Рослаўль, Рослаўскі павет, Смаленская губерня, Расійская імперыя
Дата смерці	8 ліпеня 1955(1955-07-08) ці 1955
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя, СССР
Род дзейнасці	філолаг, літаратуразнавец, выкладчык універсітэта, літаратар
Навуковая сфера	літаратуразнаўства, філалогія
Месца працы	Смаленскі дзяржаўны ўніверсітэт, Маскоўскі дзяржаўны ўніверсітэт імя М. В. Ламаносава, Беларускі дзяржаўны ўніверсітэт, Інстытут сусветнай літаратуры імя А. М. Горкага, Дзяржаўны інстытут тэатральнага мастацтва імя А. В. Луначарскага
Навуковая ступень	доктар філалагічных навук
Навуковае званне	прафесар
Альма-матар	Смаленскі дзяржаўны ўніверсітэт
Партыя	КПСС
Творы ў Вікікрыніцах

Міхаіл Кузьміч Дабры́нін (руск.: Михаил Кузьмич Добрынин; 23 студзеня 1889, Рослаўль — 8 ліпеня 1955, Масква) — вучоны, філолаг і літаратуразнавец, доктар філалагічных навук (1951), прафесар.

Біяграфія

Нарадзіўся ў горадзе Рослаўль Смаленскай губерні (сучасны адміністрацыйны цэнтр раёна Смаленскай вобласці Расіі). У 1924 годзе скончыў Смаленскі ўніверсітэт, і адразу стаў прафесарам гэтага ўніверсітэта. У 1930—1931 гг. выкладаў у Маскоўскім універсітэце, у 1931—1937 гг. — загадчык сектара літаратуры народаў СССР Інстытута сусветнай літаратуры імя А. М. Горкага Акадэміі навук СССР, загадчык кафедры ў Дзяржаўным інстытуце тэатральнага мастацтва імя А. В. Луначарскага, выкладчык у вышэйшых навучальных установах Масквы. Таксама выкладаў у Беларускім дзяржаўным універсітэце.

Сакратар праўлення Саюза пісьменнікаў СССР (1946).

Пахаваны на Новадзявочых могілках у Маскве.

Дзейнасць

М. К. Дабрынін займаўся даследаваннямі праблем перыядызацыі гісторыі літаратуры народаў СССР, творчасці рускіх пісьменнікаў, даследаваў пытанні гісторыі старажытнай беларускай літаратуры.

18 студзеня 1944 года абараняў у БДУ доктарскую дысертацыю «Белорусская литература. Древний период». Адным з афіцыйных апанентаў на абароне дысертацыі быў Я. Колас, які напісаў станоўчы водгук. Аднак па выніках галасавання («за» — 5, «супраць» — 10, «устрымаліся» — 9, «не вярнулі атрыманыя бюлетэні» — 3) вучоны савет БДУ не прысудзіў Дабрыніну вучоную ступень доктара філалагічных навук.

У 1950 годзе ён абараніў доктарскую дысертацыю ў Маскве.

Бібліяграфія

• Против механистов и эклетиков. — М., 1931.
• Беларуская літаратура: старажытны перыяд. — Мінск : Дзяржаўнае выдавецтва БССР, Рэдакцыя мастацкай літаратуры, 1952. — 305 с.
• Общественное значение художественной литературы : Стенограмма публичной лекции … / д-р филол. наук М. К. Добрынин. — Москва : Знание, 1952. — 30 с.; 22 см. — (Всесоюзное общество по распространению политических и научных знаний. Серия 1; № 50).
• Слова аб палку Ігаравым: паэма / уступны артыкул М. Дабрыніна. — Менск : Дзяржаўнае выдавецтва Беларусі. Мастацкая літаратура, 1938. — 82 с.

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 560. — 10 000 экз. — ISBN 985-11-0035-8. — ISBN 985-11-0090-0 (т. 5).
• Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 2. Габой — Карціна. — С. 250. — 702 с. — 9 500 экз.

Спасылкі

• Дабрынін, Міхаіл Кузьміч (доктар філалагічных навук, літаратуразнавец ; 1889—1955) // Нацыянальная бібліятэка Беларусі
• Рублевская Л., Скалабан В. Особенности защиты диссертаций недавнего времени (руск.) // СБ. Беларусь сегодня