Міхаіл Сямёнавіч Цэдрык
Міхаіл Сямёнавіч Цэдрык | |
---|---|
Дата нараджэння | 9 мая 1930 |
Месца нараджэння | Доўгі Лог, Бярэзінскі раён, БССР, СССР |
Дата смерці | 29 лістапада 1994 (64 гады) |
Месца смерці | |
Грамадзянства | СССР, Беларусь |
Род дзейнасці | фізік |
Навуковая сфера | фізіка цвёрдага цела |
Месца працы | |
Навуковая ступень | доктар фізіка-матэматычных навук |
Навуковае званне | прафесар |
Альма-матар | |
Узнагароды |
Міхаіл Сямёнавіч Цэ́дрык[1] (9 мая 1930—29 лістапада 1994) — вучоны-фізік і педагог, доктар фізіка-матэматычных навук (1984), прафесар (1985), Заслужаны работнік вышэйшай школы БССР (1980).
Біяграфія[правіць | правіць зыходнік]
Нарадзіўся ў вёсцы Доўгі Лог[1] Бярэзінскага раёна Мінскай вобласці. У 1954 годзе скончыў фізіка-матэматычны факультэт Мінскага дзяржаўнага педагагічнага інстытута імя М. Горкага і застаўся працаваць ў ім. У 1954—1957 гг. праходзіў навучанне ў аспірантуры пры інстытуце, у 1957—1961 гг. — старэйшы выкладчык на кафедры агульнай фізікі, у 1961—1971 гг. — дацэнт і загадчык кафедрай агульнай фізікі, у 1971—1993 гг. — прарэктар па навуковай рабоце[2]. З 1993 г. да лістапада 1994 г. М. С. Цэдрык займаў пасаду загадчыка кафедрай эксперыментальнай фізікі БДПУ[2].
Навуковая дзейнасць[правіць | правіць зыходнік]
Асноўны напрамак навуковай дзейнасці М. С. Цэдрыка — фізіка сегнетаэлектрыкаў. Займаўся даследаваннямі ўплыву працэсаў крышталізацыі і знешніх фактараў пры вырошчванні сегнетаэлетрычных крышталёў на іх структуру і фізічныя ўласцівасці. Аўтар больш за 200[2] навуковых артыкулаў, падручнікаў, метадычных выданняў. Аўтар першага на беларускай мове выдання «Курс агульнай фізікі: Цеплыня і малекулярная фізіка» (1994)[1]. Сааўтар патэнта «Пьезоэлектрический керамический материал»[3].
Сярод апублікаванага:
- Манаграфія «Физические свойства кристаллов семейства триглицинсульфата» (Мінск, 1981);
- Сборник задач по курсу общей физики. — Мн., 1989.;
- Кіраўніцтва да рашэння задач па агульнай фізіцы. — Мн., 1995. (разам з В. М. Варыкашам).
На працягу шэрагу гадоў займаў пасаду старшыні Савета па абароне доктарскіх і кандыдацкіх дысертацый Мінскага дзяржаўнага педагагічнага інстытута імя М. Горкага, быў членам спецыялізаванага Савета па абароне дысертацый у Інстытуце фізікі цвёрдага цела і паўправаднікоў Акадэміі навук БССР, навуковага савета па фізіцы сегнетаэлектрыкаў і дыэлектрыкаў Акадэміі навук СССР[2].
Узнагароды і званні[правіць | правіць зыходнік]
- Юбілейны медаль «У азнаменаванне 100-годдзя з дня нараджэння Уладзіміра Ільіча Леніна» (1970).
- Ганаровая грамата Вярхоўнага Савета БССР (1972).
- Заслужаны работнік вышэйшай школы БССР (1980).
- Выдатнік адукацыі БССР (1968).
- Выдатнік адукацыі СССР (1984).
Зноскі
- ↑ а б в Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.
- ↑ а б в г Цедрик Михаил Семенович (руск.) // Сайт фізіка-матэматычнага факультэта БДПУ імя Максіма Танка
- ↑ Национальная электронная библиотека (НЭБ) (руск.)
Літаратура[правіць | правіць зыходнік]
- Болсун А. І. Цэдрык Міхаіл Сямёнавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 160. — 10 000 экз. — ISBN 985-11-0035-8. — ISBN 985-11-0279-2 (т. 17).
Спасылкі[правіць | правіць зыходнік]
- Цедрик Михаил Семенович (руск.) // Сайт фізіка-матэматычнага факультэта Беларускага дзяржаўнага педагагічнага ўніверсітэта імя Максіма Танка
- Цэдрык, Міхаіл Сямёнавіч (доктар фізіка-матэматычных навук ; 1930—1994)(недаступная спасылка) // Нацыянальная бібліятэка Беларусі
- Нарадзіліся 9 мая
- Нарадзіліся ў 1930 годзе
- Памерлі 29 лістапада
- Памерлі ў 1994 годзе
- Памерлі ў Мінску
- Выкладчыкі БДПУ імя Максіма Танка
- Дактары фізіка-матэматычных навук
- Выпускнікі БДПУ імя Максіма Танка
- Узнагароджаныя Ганаровай граматай Прэзідыума Вярхоўнага Савета БССР
- Заслужаныя работнікі вышэйшай школы БССР
- Асобы
- Вучоныя паводле алфавіта
- Нарадзіліся ў Бярэзінскім раёне
- Фізікі СССР
- Фізікі Беларусі
- Педагогі СССР
- Педагогі Беларусі