Партызанская брыгада імя Кастуся Каліноўскага
| Партызанская брыгада імя Кастуся Каліноўскага | |
|---|---|
| Гады існавання | 1943—1944 |
| Краіна |
 СССР Беларуская ССР |
| Падпарадкаванне | Беларускі штаб партызанскага руху |
| Уваходзіць у | Беластоцкае партызанскае злучэнне |
| Тып | партызаны |
| Функцыя | змаганне з акупантамі |
| Колькасць | 769 партызан |
| Дыслакацыя | Беластоцкі, Граеўскі, Кнышынскі, Крынкаўскі, Саколкаўскі, Гродзенскім раёны |
| Войны |
Другая сусветная вайна Вялікая Айчынная вайна |
| Удзел у | |
| Камандзіры | |
| Вядомыя камандзіры | Мікалай Калістратавіч Вайцяхоўскі |
Партызанская брыгада імя Кастуся Каліноўскага — партызанская брыгада, створаная ў лістападзе 1943 года. Да снежня 1943 года мела назву «Пралетарыят». Дзейнічала на тэрыторыі Беластоцкага, Граеўскага, Кнышынскага, Крынкаўскага, Саколкаўскага, Гродзенскага раёнаў. 20 ліпеня — 18 жніўня 1944 года брыгада (769 партызан, чатыры атрады) паатрадна злучылася з Чырвонай Арміяй.
Склад[правіць | правіць зыходнік]
Брыгада была створана на базе атрадаў «Кузнецкія металургі» (арганізаваны ў сакавіку 1943 года ў Маскве, 23 красавіка дэсантаваны ў Івянецкі раён, перайменаваны ў «Камсамол Беларусі»), «Звязда» (арганізаваны ў лістападзе 1943 года на базе арганізатарскай групы М. А. Казакова і групы У. А. Аўдоніна, якая дзейнічала ў Гродзенскім раёне з лета 1943 года). У лютым 1944 года ў брыгаду ўвайшоў атрад імя Матросава, арганізаваны ў кастрычніку 1943 года на базе групы «Афанасьева» (І. А. Цімашэнкі), якая дзейнічала з ліпеня 1941 года ў Беластоцкім, Заблудаўскім і Крынкаўскім раёнах. На момант злучэння з Чырвонай Арміяй у склад брыгады ўваходзілі:
- атрад «Камсамол Беларусі»;
- атрад імя Матросава;
- атрад «Звязда»;
- атрад «26 гадоў Кастрычніка»;
- атрад імя Кастуся Каліноўскага.
Камандаванне[правіць | правіць зыходнік]
Камандзір[правіць | правіць зыходнік]
Камісар[правіць | правіць зыходнік]
Начальнік штаба[правіць | правіць зыходнік]
- С. В. Чудзінаў
Дзейнасць брыгады[правіць | правіць зыходнік]
Партызаны зрабілі больш за сто дыверсій. Зрывалі перавозкі, знішчалі жывую сілу і тэхніку немцаў, вялі баі па ліквідацыі нямецкіх апорных пунктаў. 27 ліпеня 1944 года разам з часцямі Чырвонай Арміі ўдзельнічалі ў вызваленні горада Беласток.
Памяць[правіць | правіць зыходнік]
У сярэдняй школе № 20 горада Гродна з 1984 года дзейнічае Музей баявой славы партызанскай брыгады імя Кастуся Каліноўскага[1].
Крыніцы[правіць | правіць зыходнік]
- ↑ Музей Боевой Славы партизанской бригады имени К.Калиновского . sites.google.com. Праверана 25 кастрычніка 2023.
Літаратура[правіць | правіць зыходнік]
- Беларусь у Вялікай Айчыннай вайне, 1941—1945: Энцыкл. / Рэдкал.:І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.
Спасылкі[правіць | правіць зыходнік]
- Бригада им. Кастуся Калиновского (Войцеховский Н.К.) (руск.). partizany.by.