Сіпуха звычайная

З пляцоўкі Вікіпедыя
Перайсці да: рух, знайсці
Сіпуха звычайная
Tyto alba close up.jpg
Навуковая класіфікацыя
Міжнародная навуковая назва

Tyto alba Scopoli, 1769

Арэал
выява
Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   177851
NCBI   56313
EOL   914939

Сіпуха звычайная (Tyto alba) — драпежная птушка сямейства сіпухавых, найбольш распаўсюджаная ў свеце птушка сямейства сіпухавых. Адзіны прадстаўнік сямейства ў фауне Галарктыкі.

Апісанне[правіць | правіць зыходнік]

Сава сярэдніх памераў. Маса самца 220-320 г, самкі 199-405 г. Даўжыня цела 33-35 см, размах крылаў 0,85-0,98 м. Спіна буравата-пясочная з падоўжнымі радамі дробных цёмных і белых крапінак, брушка белавата-вохрыстае з рэдкімі цёмнымі крапінкамі, тваравы дыск сэрцападобны, амаль белы, каля вачэй іржава-карычневы.

Пашырэнне[правіць | правіць зыходнік]

Сустракаецца практычна на ўсіх кантынентах, за выключэннем Антарктыды. Жыве ў населеных пунктах (асабліва ў вёсках і невялікіх гарадах), таксама насяляе старыя дрэвастоі, адкрыты ландшафт (але не бязлесны), руіны, пакiнутыя будынкі паблізу пагоркаў і палёў. У Беларусі сустракаецца як аседлая птушка адзначана ў Гродзенскай, на поўдні Брэсцкай і Гомелькай вобласці; гняздуе ў дуплах старых дрэў у прысадах, гарадскіх парках, пакінутых пабудовах.

Асаблівасці біялогіі[правіць | правіць зыходнік]

Chouette crâne (2).jpg

Аснову харчавання складаюць мышападобныя грызуны — палёўкі, мышы і пацукі; у невялікай колькасці паядае землярыек, дробных птушак і беспазваночных.

Яйкі (4-7, часам 2-14) з аднолькавымі тупымі канцамі, уздутыя, белыя. Адкладвае яйкі на слой парахні або смецця, без гнязда, у цёмных і ненаведваемых месцах будынкаў, царкоўных вежах, шчылінах сцен, скальных абрывах, у дуплах дрэў. Пуховыя птушаняты ў белым убранні, рознаўзроставыя, што сведчыць аб пачатку наседжвання да заканчэння кладкі.

Літаратура[правіць | правіць зыходнік]

Зубр еўрапейскі Гэты від занесены ў Чырвоную кнігу Беларусі і ахоўваецца законам.
II катэгорыя (EN) 


  • Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: БелЭн, 1993. ISBN 5-85700-095-5
  • Птушкі Еўропы: Палявы вызначальнік. — Варшава: PWN, 2000. ISBN 83-01-13187-X