Уладзімір Рыгоравіч Масальскі
Уладзімір Рыгоравіч Масальскі | |
---|---|
Дата нараджэння | 22 студзеня 1920 |
Месца нараджэння | |
Дата смерці | 21 ліпеня 1965 (45 гадоў) |
Месца смерці | |
Месца пахавання | |
Грамадзянства | |
Прыналежнасць | СССР |
Гады службы | 1939—1954 |
Званне |
|
Бітвы/войны |
Савецка-фінляндская вайна; Вялікая Айчынная вайна |
Узнагароды і званні |
Уладзімір Рыгоравіч Масальскі (22 студзеня 1920, Рэчыца, Гомельская губерня[1] — 21 ліпеня 1965, Асінавая Рошча, Ленінградская вобласць[2] цяпер — у складзе Выбаргскага раёна, Санкт-Пецярбург) — камандзір роты аўтаматчыкаў 270-га стралковага палка 136-й стралковай дывізіі 67-й арміі Ленінградскага фронту, капітан, Герой Савецкага Саюза.
Біяграфія[правіць | правіць зыходнік]
Уладзімір Масальскі нарадзіўся 22 студзеня 1920 года ў горадзе Рэчыца[1] Гомельскай вобласці. у сям’і рабочага[3].
У РККА быў прызваны ў 1939 годзе. Прымаў удзел у Савецка-фінскай вайне. З чэрвеня 1941 года ўдзельнічаў у Вялікай Айчыннай вайне. За выратаванне параненага камандзіра ў ходзе баёў на паўвостраве Ханка Уладзімір Рыгоравіч атрымаў сваю першую ўзнагароду — медаль «За адвагу». У 1942 годзе скончыў курсы малодшых лейтэнантаў. Да студзеня 1943 года меў званне капітана.
Свой подзвіг Уладзімір Масальскі здзейсніў у ходзе бою за Воронню гару ля Краснага Сяла. У ходзе бою рота Масальскага першай пайшла ў атаку яшчэ падчас артпадрыхтоўкі. Уладзімір Масальскі быў паранены, але працягваў весці бой. Толькі пасля чацвёртага ранення, губляючы прытомнасць, ён перадаў камандаванне ротай свайму намесніку і загадаў у што бы то ні стала выканаць баявое заданне. Даведаўшыся, што вышыня ўзятая, Масальскі сказаў: «Я не сумняваўся, што мае арлы будуць там»[4].
За праяўленую мужнасць і гераізм Прэзідыум Вярхоўнага Савета СССР 13 лютага 1944 года прысвоіў капітану Масальскаму званне Героя Савецкага Саюза[3][5].
Пасля заканчэння Вялікай Айчыннай Уладзімір Рыгоравіч заставаўся кадравым ваенным, пайшоў у запас толькі ў 1954 годзе. Пасля сыходу з узброеных сіл працаваў у будаўнічай арганізацыі.
Уладзімір Рыгоравіч Масальскі памёр 21 ліпеня 1965 года. Пахаваны на Брацкіх вайсковых могілках у пасёлку Асінавая Рошча[2], на могілках усталяваны гранітны помнік[6].
Узнагароды[правіць | правіць зыходнік]
Узнагароджаны ордэнам Леніна, двума ордэнамі Чырвонага Сцяга, ордэнамі Суворава 3-й ступені, Аляксандра Неўскага, Чырвонай Зоркі, медалямі.
Памяць[правіць | правіць зыходнік]
Імянем Уладзіміра Рыгоравіча ў 1975 годзе была названая вуліца ў Красным Сяле (Ленінград)[4].
Зноскі
- ↑ а б цяпер — Гомельскай вобласці.
- ↑ а б Цяпер — у складзе Выбаргскага раёна, Санкт-Пецярбург.
- ↑ а б Твои герои, Ленинград.
- ↑ а б Улица Массальского.
- ↑ Указ Президиума Верховного Совета СССР «О присвоении звания Героя Советского Союза офицерскому, сержантскому и рядовому составу Красной Армии» от 13 февраля 1944 года // Ведомости Верховного Совета Союза Советских Социалистических Республик : газета. — 1944. — 24 февраля (№ 11 (271)). — С. 1
- ↑ Воинское кладбище Осиновая роща Архівавана 20 ліпеня 2011..
Спасылкі[правіць | правіць зыходнік]
Уладзімір Рыгоравіч Масальскі на сайце «Героі краіны»
- Асобы
- Памерлі ў Санкт-Пецярбургу
- Нарадзіліся 22 студзеня
- Нарадзіліся ў 1920 годзе
- Нарадзіліся ў Рэчыцы
- Памерлі 21 ліпеня
- Памерлі ў 1965 годзе
- Пахаваныя ў Ленінградскай вобласці
- Капітаны СССР
- Героі Савецкага Саюза
- Кавалеры ордэна Леніна
- Кавалеры ордэна Чырвонага Сцяга
- Кавалеры ордэна Суворава III ступені
- Кавалеры ордэна Аляксандра Неўскага (СССР)
- Кавалеры ордэна Чырвонай Зоркі
- Узнагароджаныя медалём «За адвагу»
- Удзельнікі савецка-фінскай вайны
- Камандзіры рот у Вялікай Айчыннай вайне