Усевалад Пятровіч Радзько

Усевалад Пятровіч Радзько
Дата нараджэння	24 студзеня 1937(1937-01-24)
Месца нараджэння	Шклоў, Шклоўскі раён, Магілёўская вобласць, БССР, СССР
Дата смерці	1 снежня 2021(2021-12-01) (84 гады)
Грамадзянства	СССР  Беларусь
Род дзейнасці	фізік
Навуковая сфера	фізіка
Месца працы	Беларуска-Расійскі ўніверсітэт ТДУ Інстытут прыкладной оптыкі НАН Беларусі Інстытут фізікі імя Б. І. Сцяпанава НАН Беларусі Гомельскі дзяржаўны ўніверсітэт імя Францыска Скарыны
Навуковая ступень	доктар фізіка-матэматычных навук (1985) і член-карэспандэнт НАН Беларусі (1996)
Навуковае званне	прафесар
Альма-матар	ТДУ
Прэміі

Усевалад Пятровіч Радзько́ (24 студзеня 1937 — 1 снежня 2021) — вучоны-фізік, доктар фізіка-матэматычных навук (1985), прафесар (1990), член-карэспандэнт Нацыянальнай акадэміі навук Беларусі (1996).

Біяграфія

Нарадзіўся ў горадзе Шклоў (Магілёўская вобласць, Беларусь). У 1962 годзе скончыў фізічны факультэт Томскага дзяржаўнага ўніверсітэта і пачаў працу ў ім. У 1971 годзе абараніў кандыдацкую дысертацыю. З 1972 года займаў пасады старшага навуковага супрацоўніка, вучонага сакратара, з 1976 года загадчыка лабараторыі, з 1987 года намесніка дырэктара Магілёўскага аддзялення Інстытута фізікі акадэміі навук БССР. У 1992—2002 гадах дырэктар, з 2002 года галоўны навуковы супрацоўнік Інстытута прыкладной оптыкі Нацыянальнай акадэміі навук Беларусі. Адначасова выкладаў у Гомельскім дзяржаўным універсітэце і Магілёўскім машынабудаўнічым інстытуце. З 2005 года прафесар Беларуска-Расійскага ўніверсітэта.

Навуковая дзейнасць

Навуковыя працы ў галіне інтэгральнай оптыкі, фізікі паўправаднікоў, па методыках і тэхналогіі стварэння кампазіцыйных асяроддзяў і суперструктур для оптаэлектронікі і інш. Прапанаваў і даследаваў новы клас планарных аптычных хваляводаў, названых гамагеннымі. Аўтар больш за 140 навуковых прац, у тым ліку манаграфіі, 26 вынаходстваў.

Сярод апублікаванага:

• Введение в интегральную оптику. — Мн.: Наука и техника, 1975 (разам з А. М. Ганчарэнкам);
• Кинетика процесса формирования планарных волноводов в стеклах электродиффузией серебра // Физика и химия стекла. 1986. Т.12, № 6.;
• Квантово-размерные структуры селенид кадмия / полимер, изготовленные методом вакуумного испарения (разам з А. С. Барбіцкім і А. І. Вайцянковым) // Письма в ЖТФ. 1996. Т.22, вып.13.

Узнагароды

• Дзяржаўная прэмія БССР 1984 года за цыкл прац «Планарныя аптычныя хваляводы», апублікаваных у 1967—1983 гадах.

Літаратура

• Радзько Усевалад Пятровіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 221. — 10 000 экз. — ISBN 985-11-0035-8. — ISBN 985-11-0216-4 (т. 13).
• Петрусевіч, А. Бацькоўскі край — Шклоўшчына // Ударны фронт (Шклоў). — 2003. — 26 красавіка. — С. 2.

Спасылкі

• Члены-карэспандэнты: РАДЗЬКО Усевалад Пятровіч // Нацыянальная акадэмія навук Беларусі
• Усевалад Пятровіч Радзько ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• РЕДЬКО Всеволод Петрович (руск.) // Сайт фізічнага факультэта Томскага дзяржаўнага ўніверсітэта
• Редько Всеволод Петрович // База патентов Беларуси (руск.)