ФК Шахцёр Петрыкаў

Шахцёр Петрыкаў
Заснаваны	2020
Горад	Петрыкаў, Беларусь
Стадыён	«Прыпяць» Умяшчальнасць: 800
Галоўны трэнер	Дзмітрый Данілевіч
Чэмпіянат	Першая ліга
2023	16 месца
Асноўная форма Гасцявая форма

«Шахцёр» — беларускі футбольны клуб з Петрыкава, заснаваны ў 2020 годзе. У цяперашні час выступае ў Першай лізе чэмпіянату Беларусі.

Гісторыя

У снежні 2019 года стала вядома, што салігорскі «Шахцёр» плануе заявіць даччыную каманду ў Другую лігу. У студзені 2020 года галоўным трэнерам новай каманды стаў Сяргей Нікіфарэнка, які раней працаваў у структуры салігорскага клуба. Склад фарм-клуба ўтварылі ў асноўным былыя рэзервісты салігорскага «Шахцёра», таксама былі запрошаны і іншыя вопытныя ігракі. Некаторы час каманда рыхтавалася да новага сезона ў Салігорску, а ў сакавіку 2020 года быў адкрыты новы стадыён «Прыпяць» у Петрыкаве.

«Шахцёр» адразу стаў адным з фаварытаў Другой лігі. Скончыўшы першую частку Другой лігі 2020 на другім месцы пасля магілёўскага «Дняпра», «Шахцёр» упэўнена прайшоў фінальную частку і заняў другое выніковае месца, якое дазволіла выйсці ў Першую лігу. У сезоне 2021 у Першай лізе петрыкаўскі «Шахцёр» заставаўся фарм-клубам салігорскага, аднак камплектаваўся не толькі салігорскімі, але і іншымі, пераважна маладымі ігракамі. Каманда нестабільна правяла сезон, чаргуючы паспяховыя адрэзкі з правальнымі, у выніку фінішавала ў сярэдзіне, на 7-м месцы з 12.

У сезоне 2022 «Шахцёр» хутка апынуўся сярод лідараў турніру, значны час ішоў на першым месцы. Каманда ўпэўнена змагалася з аўтсайдарамі, дзе нярэдка перамагала з разгромным лікам, аднак матчы з асноўнымі канкурэнтамі атрымоўваліся горш. У верасні 2022 года АБФФ афіцыйна паведаміла, што «Шахцёр» як фарм-клуб не мае права падняцца ў Вышэйшую лігу, пасля чаго петрыкаўская каманда прапусціла наперад асноўных канкурэнтаў і фінішавала на трэцім месцы.

У пачатку 2023 года шмат ігракоў петрыкаўчан далучыліся да асноўнай каманды салігорскага «Шахцёра», як і галоўны трэнер Станіслаў Сувораў. Склад быў амаль поўнасцю абноўлены, яго склалі выключна салігорскія выхаванцы з дубля і юнацкіх каманд, новым трэнерам стаў Сяргей Лушчан, які раней працаваў з юнакамі салігорцаў. Новая каманда ўжо не магла змагацца за высокія месцы і апынулася ў канцы табліцы. Пад канец сезона вынікі сталі паляпшацца, але «Шахцёр» не здолеў узняцца вышэй за 16-е месца з 17.

Цяперашні склад

Станам на красавік 2023 года.

№ Паз. Імя Нар. Бр Мікіта Доўнар 2006 Бр Данііл Котаў 2007 Бр Ігар Малашчыцкі 2002 Аб Юрый Басалыга 2004 Аб Арцём Герасім 2007 Аб Павел Дубоўскі 2005 Аб Мікіта Коршун 2007 Аб Ілья Лукашэвіч 1998 Аб Андрэй Макаранка 2002 Аб Данііл Падбярозны 2003 Аб Ілья Свірыдзенка 2004 Аб Дзмітрый Селіванаў 2004 Аб Раман Сцесік 2008 Аб Кірыл Цямчык 2005 ПА Мікіта Акушка 2007 ПА Ягор Барадзін 2007 ПА Максім Бурко 2004 ПА Уладзіслаў Кабышаў 2001

№ Паз. Імя Нар. ПА Георгій Кукушкін 2005 ПА Арцём Курбачоў 2007 ПА Аляксей Куроўскі 2006 ПА Вадзім Марцінкевіч 2004 ПА Арцём Смальцар 2005 ПА Мікалай Сотнікаў 2005 ПА Станіслаў Стэфановіч 2004 ПА Марк Тычко 2006 ПА Анатоль Ярмоліч 2005 Нап Марк Буланаў 2005 Нап Глеб Варкулевіч 2005 Нап Аляксей Гарост 2004 Нап Ягор Грывенеў 2006 Нап Андрэй Дзенісюк 2005 Нап Вячаслаў Прыгодзіч 2004 Нап Арсеній Чакур 2005 Нап Мікіта Шаўла 2006

Трэнерскі штаб

• Дзмітрый Данілевіч (нар. 1992) — галоўны трэнер
• Ігар Гарэлаў (нар. 1972) — старшы трэнер
• Аляксей Хадневіч (нар. 1987) — трэнер
• Радзівон Жук (нар. 1983) — трэнер брамнікаў

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2020	Другая — Б (Д3)	2	20	16	1	3	80–16	49		Выхад у фінальны этап
	Фінальны этап (Д3)	2	10	6	1	3	24–10	19		Выхад у Першую лігу
2021	Першая (Д2)	7	33	13	7	13	50–56	46
2022	Першая (Д2)	3	24	13	6	5	69–20	45
2023	Першая (Д2)	16	32	6	4	22	33–72	22

Галоўныя трэнеры

• Сяргей Нікіфарэнка (студзень 2020 — студзень 2022)
• Станіслаў Сувораў (студзень — снежань 2022)
• Сяргей Лушчан (студзень — снежань 2023)
• Дзмітрый Данілевіч (з сакавіка 2024)

Спасылкі

• Профіль на сайце globalsportsarchive.com (англ.)