Фларэнтыйская рэспубліка

Фларэнтыйская рэспубліка лац.: Respublica Florentina іт. Repubblica fiorentina Рэспубліка
← 1115 – 1532 →
Сцяг Герб
Фларэнтыйская рэспубліка ў 1494 годзе
Сталіца	Фларэнцыя
Найбуйнейшыя гарады	Фларэнцыя
Мова	Лацінская мова, Тасканскі дыялект італьянскай
Рэлігія	Рымска-каталіцкая царква
Валюта	Флорын
Плошча	каля 15 000 км² у 1494 годзе
Насельніцтва	каля 750 000 чал. у 1494 годзе
Форма кіравання	Рэспубліка
Ганфаланьер
- 1531-1533	Алесандра Медычы

Фларэнтыйская рэспубліка (лац. Respublica Florentina, (іт. Repubblica di Firenze, Repubblica fiorentina) — незалежная рэспубліка ў Паўночнай Італіі, якая існавала ў 1115-1185 і 1197-1532 гадах. Паўстала як незалежная камуна горада Фларэнцыі, неўзабаве падпарадкавала сабе большую частку паўночнай і цэнтральнай Тасканы і пачала граць адну з найважнейшых роляў у палітычнай сістэме сярэднявечнай Італіі. Фларэнтыйскай рэспубліка стварыла складаную сістэму кіравання, заснаваную на недапушчэнні ўзурпацыі ўлады адной асобай і досыць шырокай ўцягнутасці грамадзян у фарміраванне дзяржаўных органаў. У XIII-XIV стагоддзях эканамічнае развіццё Фларэнцыі апярэджвавала практычна ўсе іншыя дзяржавы не толькі Італіі, але і Еўропы. Тут упершыню зарадзілася мануфактурная вытворчасць і пачаліся сацыяльныя канфлікты паміж наёмнымі працоўнымі і патрыцыятам. З 1434 у Фларэнцыі ўсталявалася ўлада роду Медычы, пры якіх дзяржава трансфармавалася ў аднаасобную сіньёрыю. У XIV стагоддзі Фларэнцыя стала вядучым цэнтрам італьянскага Адраджэння, у якім стваралі Дантэ, Петрарка, Бакача, Леанарда да Вінчы, Мікеланджэла, Макіявелі і многія іншыя. У перыяд Італьянскіх войнаў у рэспубліцы быў усталяваны ураўняльны тэакратычны рэжым Саванарола, аднак пры падтрымцы Францыі і папства, Медычы ў 1512 годзе аднавілі сваю ўладу. У 1532 годзе Рэспубліканскае кіраванне Фларэнцыі было ліквідавана, і краіна ператварылася ў спадчынную манархію - Фларэнтыйскае герцагства (з 1569 - вялікае герцагства Тасканскае).

Зноскі

• Фларэнтыйскай школа, эпохі Адраджэння