Харавыя водарасці

З пляцоўкі Вікіпедыя
Перайсці да: рух, знайсці
Харавыя водарасці
Ніцэлопсіс двухдомны (Nitellopsis obtusa)
Навуковая класіфікацыя
Міжнародная навуковая назва

Charophyta T.Cavalier-Smith in R.A.Lewin, 1993

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   9417
EOL   2491401

Ха́равыя водарасці, харафіты, лучыцы (Charophyta) — аддзел ніжэйшых раслін.

Выдзяляюць 1 клас, 1 парадак, 2 сямействы (нітэлавыя і харавыя), 6 родаў, каля 300 відаў. Пашыраны ўсюды. Паходзяць, магчыма, ад зялёных водарасцей. Вядомы з сілуру. Утвараюць вялікія зараснікі на заіленых і пясчаных грунтах у прэсных вадаёмах і апрэсненых участках мораў. На Беларусі 15 відаў з родаў нітэла, нітэлопсіс і хара.

Шматклетачныя кусцістыя водарасці знешне падобныя да некаторых вышэйшых раслін (рагаліснік, хвошч). Слаявіна вышынёй 20—30 см, часам да 1—2 м, прымацаваная да субстрату рызоідамі. Бакавыя галіны размешчаны кальчакамі на шматклетачных вузлах. Міжвузеллі з адной доўгай клеткі, якая можа абрастаць карой з вузкіх клетак. Абалонкі клетак часам абваішаваныя. Хларапласты зялёныя, маюць хларафілы a і b, караціноіды, запасное рэчыва — крухмал. Размнажэнне вегетатыўнае і палавое (аагамія).

Выкарыстоўваюцца як угнаенне. Гіганцкія клеткі міжвузелляў — аб'ект цыталагічных і фізіялагічных даследаванняў (напр., біяпатэнцыялаў раслін).

Літаратура[правіць | правіць зыходнік]

  • Міхеева Т. Харавыя водарасці // БЭ ў 18 т. Т. 16. Мн., 2003.