Эфект Садоўскага

Эфект Садо́ўскага — узнікненне механічнага вярчальнага моманту ў целе, якое апраменьваецца эліптычна ці цыркулярна палярызаваным святлом.

Ілюстрацыя квантава-механічнага тлумачэння ўзнікнення эфекта Садоўскага

Тэарэтычна прадказаны А. І. Садоўскім у 1898 годзе, эксперыментальна выяўлены амерыканскім фізікам Р. Бетам (Richard Beth) у 1935 годзе.

Эфект абумоўлены наяўнасцю ў эліптычна палярызаванай электрамагнітнай хвалі выдатнага ад нуля моманту імпульсу (або моманту колькасці руху), што хваляй перадаецца целу, якое паглынае яе ці змяняе стан яе палярызацыі. Дазваляе выкарыстоўваць закон захавання моманту імпульсу пры даследаванні з’яў узаемадзеяння электрамагнітнага выпраменьвання з рэчывам.

З пункту гледжання квантавай тэорыі эфект Садоўскага тлумачыцца змяненнем імпульсу фатонаў пры ўзаемадзеянні выпраменьвання з рэчывам.

Літаратура

• Болсун А. І. Садоўскага эфект // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 77. — 10 000 экз. — ISBN 985-11-0035-8. — ISBN 985-11-0238-5 (т. 14).
• Садовского эффект // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
• Соколов И. В. Момент импульса электромагнитной волны, эффект Садовского и генерация магнитных полей в плазме // Успехи физических наук, 1991. 161 (10) — С. 175—190. (руск.)

Спасылкі

• Beth Richard A. Mechanical Detection and Measurement of the Angular Momentum of Light(англ.) // Phys. Rev.. — 1936. — Т. 50. — С. 115. — DOI:10.1103/PhysRev.50.115
• Данилов Ю. А., Демидов Е. С., Ежевский А. А. Основы спинтроники. Учебное пособие. / Нижегородский государственный университет им. Н. И. Лобачевского — Нижний Новгород, 2009. — 173 с. (руск.)