Юрый Канстанцінавіч Фамічоў

Юрый Канстанцінавіч Фамічоў
Юрый Канстанцінавіч Фамічоў
Дата нараджэння	30 кастрычніка 1929
Месца нараджэння	Чыстапаль, Чыстопальскі кантон[d], Татарская АССР[d], РСФСР, СССР;
Дата смерці	2 сакавіка 2015 (85 гадоў)
Месца смерці	Мінск, Беларусь;
Месца пахавання	Паўночныя могілкі;
Грамадзянства	СССР, Беларусь
Род дзейнасці	навуковец
Навуковая сфера	вірусалогія, імуналогія і біятэхналогія
Месца працы	Беларускі НДІ эпідэміялогіі і мікрабіялогіі, Беларускі дзяржаўны медыцынскі ўніверсітэт
Навуковая ступень	доктар медыцынскіх навук (1967)
Навуковае званне	прафесар
Альма-матар	лячэбны факультэт БДМУ (1954);
Партыя	КПСС;
Прэміі	Сорасаўскі прафесар[d]
Узнагароды	Медаль «У азнаменаванне 100-годдзя з дня нараджэння Уладзіміра Ільіча Леніна»

Юрый Канстанцінавіч Фамічо́ў^[1] (руск.: Юрий Константинович Фомичёв; 30 кастрычніка 1929 — 2 сакавіка 2015) — вучоны ў галіне мікрабіялогіі, доктар медыцынскіх навук (1967), прафесар (1968). Заслужаны работнік народнай адукацыі БССР^[2].

Біяграфія[правіць | правіць зыходнік]

Нарадзіўся ў горадзе Чыстапаль Татарскай АССР (Рэспубліка Татарстан, Расія). У 1948 годзе скончыў сярэднюю школу ў Мінску і паступіў у Мінскі медыцынскі інстытут на лячэбны факультэт. Інстытут скончыў у 1954 годзе, вучыўся ў аспірантуры і ў 1957 годзе абараніў кандыдацкую дысертацыю. Працаваў у Інстытуце эпідэміялогіі і мікрабіялогіі Міністэрства аховы здароўя БССР. У пачатку 1960-х гг. павышаў кваліфікацыю ў Маскве і Англіі^[2]. У 1966 годзе абараніў доктарскую дысертацыю. З 1967 года Ю. К. Фамічоў у Беларускім дзяржаўным універсітэце, загадваў Праблемнай навукова-даследчай лабараторыяй эксперыментальнай біялогіі. Адначасова ў 1969—1988 гг. займаў пасаду загадчыка кафедрай мікрабіялогіі біялагічнага факультэта. У 1970 годзе знаходзіўся ў навуковай камандзіроўцы ў Вялікабрытаніі, дзе на працягу 6 месяцаў працаваў у Эдынбургскім універсітэце^[2]. У 1971—1973 гг. займаў пасаду дэкана біялагічнага факультэта БДУ. З 1988 года займаў пасаду загадчыка кафедрай генетыкі, у 1993—2011 гг. — прафесара кафедры мікрабіялогіі^[2].

Памёр Ю. К. Фамічоў 2 сакавіка 2105 г. Пахаваны на Паўночных могілках ў Мінску^[2].

Навуковая дзейнасць[правіць | правіць зыходнік]

Аўтар больш за 300 навуковых прац, у т.л. 40 патэнтаў і аўтарскіх пасведчанняў на вынаходніцтвы, 10 лекцыйных курсаў у галіне агульнай мікрабіялогіі, генетыкі бактэрый, малекулярнай біялогіі, генетычнай інжынерыі^[2].

Пад кіраўніцтвам Ю. К. Фамічова абаронены 4 доктарскія і каля 40 кандыдацкіх дысертацый^[2].

Узнагароды і званні[правіць | правіць зыходнік]

Медаль «У азнаменаванне 100-годдзя з дня нараджэння Уладзіміра Ільіча Леніна»;
Заслужаны работнік народнай адукацыі БССР;
Заслужаны работнік Беларускага дзяржаўнага ўніверсітэта;
Заслужаны Сорасаўскі прафесар^[2].

Зноскі

↑ Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
↑ ^а ^б ^в ^г ^д ^е ^ё ^ж Сайт біялагічнага факультэта (руск.) // Беларускі дзяржаўны ўніверсітэт

Літаратура[правіць | правіць зыходнік]

Фамічоў Юрый Канстанцінавіч // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз. — С. 185.

Спасылкі[правіць | правіць зыходнік]

Сайт біялагічнага факультэта (руск.) // Беларускі дзяржаўны ўніверсітэт

[ЭПБ5-1] Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.

[БДУ-2] а ^б ^в ^г ^д ^е ^ё ^ж Сайт біялагічнага факультэта (руск.) // Беларускі дзяржаўны ўніверсітэт

[1]

[2]