Палавы дымарфізм: самкі (10-11 мм) буйнейшыя за самцоў (4-5 мм). Мае 8 вачэй, размешчаных у 2 раўнамерныя шэрагі. Верхняя частка выцягнутая. Брушка пулепадобнай формы. Ногі ўмерана доўгія і стройныя, трэцяя пара — самая кароткая, пазбаўленая шчацінак.
Афарбоўка самак чорная са светлым узорам, які складаецца з папярочных палос. У больш сталых асобін ператвараецца ў суцэльную падоўжную шырокую паласу чырвонага колеру. У самцоў ўзор больш бледны — бялёсы і жаўтлявы. Жывот не мае плям, ногі — чорныя.
Гэты павук вырабляе нейратаксічны яд, які можа паўплываць на нервовую сістэму. Сімптомы: пякучы боль на месцы ўкусу, цягліцавы боль, курчы, боль у жываце ці ў канечнасцях, асабліва цягліцах сцягна, мышцы жывата робяцца цвёрдымі, курчы і боль у цягліцах спіны; слабасць у нагах, цяжкасць хады, адчуванне звужэння грудных цягліц; часам галаўны боль. Пасля ўкусу пацыент звычайна неспакойны, узбуджаны і трывожны, у яго падвышаная патлівасць, падвышаны артэрыяльны ціск, часта ацёк твару і асабліва павекаў.
.JPG)
