Volkswagen Polo
Volkswagen Polo — малалітражны перэднепрыводны аўтамабіль нямецкага аўтаканцэрна Volkswagen Group. У мадэльным шэрагу кампаніі Volkswagen з 1975 года.
За 34 гады выпушчана амаль 11 млн. VW Polo розных мадыфікацый.
Змест |
Polo I (1975–1981) [правіць]
Аўтамабіль першага пакалення дэбютаваў у сакавіку 1975 года на выставе ў Гановеры і ўяўляў сабой бюджэтную мадыфікацыю трохдзвернага пярэднепрываднага хэтчбека Audi 50, які з'явіўся на год раней. Audi 50 і Volkswagen Polo розніліся толькі дэкорам, узроўнем абсталявання і рухавікамі: на Audi быў рухавік аб'ёмам 1,1 л (50 або 60 к.с.), а на Volkswagen — аб'ёмам 0,9 л (40 к.с.).
Рынак сустрэў Polo халаднавата, але ў 1976 годзе з'явілася мадыфікацыя з 50-моцным рухавіком аб'ёмам 1,1 л. Пасля чаго продажы пайшлі ўверх — Polo быў прасцей і, адпаведна, танней за Audi[1]. З гэтае пары Polo пачынае выцясняць з рынку Audi 50. Толькі за перыяд 1977 – 1981 было выпушчана каля паўмільёна аўтамабіляў[2].
Для мадэлі былі даступныя тры рухавікі аб'ёмам 0,9 л, 1,1 л. і 1,3 л., аднак апошні быў даступны толькі для мадыфікацыі Polo GT[3].
З 1977 годзе на базе Polo з'явіўся дзвухдзверны седан, які атрымаў уласнае імя — Volkswagen Derby. Аўтамабіль меў багажнік ёмістасцю 515 л і быў аснашчаны 60-моцным рухавіком аб'ёмам 1,3 л.
У 1979 годзе аўтамабілі зведалі невялікі "фэйсліфтынг": у прыватнасці, была заменена рашотка радыятара, прыборная панэль, металічныя бампера сталі пластыкавымі, а ў Derby акрамя таго замест круглых фар з'явіліся прастакутныя.
Вытворчасць VW Polo і VW Derby першага пакалення працягвалася да 1981 года.
Polo II (1981—1994) [правіць]
У выніку глыбокай мадэрнізацыі ў канцы 1981 г. з'явіўся Volkswagen Polo другога пакалення. Ягоны кузаў быў падобны да ўніверсалу, але ўжо цераз некалькі месяцаў з'явіўся і традыцыйны хэтчбек (яго амбіцыйна назвалі Polo Coupe), і 2-х дзверны седан Polo Classic.
У 1983 г. сумарны аб'ём выпуску аўтамабіляў VW Polo перавысіў мільён, а праз год з'явілася бюджэтная камплектацыя Fox, якая не мела нават гадзінніка і прыкурывацеля (гэтую версію куплялі ў асноўным студэнты). Пазней гаму дапоўнілі «гарачы» хэтчбек Polo G40 з кампрэсарным маторам 1.3 (115 к.с.) і версія з віхракамерным дызелем 1.4 (45 к.с.) і пяціступеньчатай каробкай перадач. Перажыўшы рэстайлінг у 1990 г., другое пакаленне Polo выпускалася да 1994 г.
Polo III (1994—2001) [правіць]
Новае пакаленне было гатовае яшчэ ў канцы 1991 г. Але з меркаванняў маркетынгу прэм'ера адбылася толькі ў жніўні 1994 г. на аўтасалоне ў Парыжы.
Новы Polo стаў шырэйшым і вышэйшым. У спісе опцый з'явіліся франтальныя падушкі бяспекі, ABS, 4-х ступеньчаты «аўтамат», кандыцыянер.
У 1995 г. быў сабраны чатырохмільённы Polo, цераз два гады - пяцімільённы, а яшчэ цераз год выпуск перавысіў шэсць мільёнаў адзінак (з улікам седанаў і ўніверсалаў іспанскай зборкі).
Polo III "Harlekin" (1995–1996) [правіць]
У 1995 г. ў Еўропе была рэалізавана спецыяльная версія VW Polo — "Harlekin" ("Арлекіна"). Галоўным і незвычайным ў мадэлі было тое, што кожная панэль кузава мела асобны колер, які мяняўся ад чырвонага і жоўтага да фісташкавага зялёнага і сіняга колеру. Пры гэтым машыны фарбаваліся не хаатычным чынам: пакупнікам прапаноўвалася 4 канкрэтныя схемы афарбоўкі. У тэхнічным плане ніякіх змен не было: Harlekin абсталёўваўся тымі ж самымі рухавікамі, што і серыйныя Polo. Аўтамабіль быў скіраваны на экстравагантнага пакупніка, які жадаў быць унікальным. Аднак камерцыйнага поспеху тая версія Polo не атрымала, і ейны выпуск быў спынены ўжо цераз год - у 1996-м. Было выраблена каля 4 тыс. адзінак.
-
VW Polo III Harlekin
-
VW Polo III Harlekin
Polo IV (2001—2009) [правіць]
Polo чацвёртага пакалення дэбютаваў увосень 2001 г. на аўтасалоне ў Франкфурце.
Polo V (2009—...) [правіць]
Галерэя [правіць]
-
Polo I (Typ 86)
1975 — 1981 -
Polo II (Typ 86C)
1981 — 1990 -
Polo II (Typ 86C, 2F)
1990 — 1994 -
Polo III (Typ 6N)
1994 — 1999 -
Polo III (Typ 6N2)
1999 — 2001 -
Polo IV (Typ 9N)
2001 — 2005 -
Polo IV (Typ 9N3)
2005 — 2009 -
VW Polo V (Typ 6R)
з 2009
.jpg)
