Ігнат Габрыэлевіч Булгак

Ігнат Габрыэлевіч Булгак
Ігнат Габрыэлевіч Булгак
	; Ігнат Булгак. Партрэт працы Яна Дамеля, 1838
	; Герб «Сыракомля»
маршалак шляхты Бабруйскага павета
Нараджэнне	1798
Смерць	1848
Род	Булгакі
Бацька	Габрыэль Булгак
Маці	Фартуната Булгак
Жонка	1) Ізабэла Юзафаўна Слізень; 2) Тэрэза Юзафаўна Слізень
Дзеці	Гл. у тэксце
Адукацыя	Тартускі ўніверсітэт;
Бітвы	Вайна 1812 года

Дагледжаная версія гэтай старонкі, зацверджаная 15 жніўня 2021, была заснавана на гэтай версіі.

Ігнат Габрыэлевіч Булгак (1798 — 1848^[1]) — буйны землеўласнік Мінскай губерні (Расійская Імперыя), бабруйскі павятовы маршалак.

Заснавальнік палацавага комплексу Булгакаў у Жылічах^[2].

Паходжанне

У 1785 г. Габрыэль Булгак, бацька Ігната, ажаніўся з Фартунатай Булгак, далёкай сваячаніцай з паралельнай галіны роду^[1]. Гэты шлюб аб’яднаў род Булгакаў, а сукупную зямельную ўласнасць і капіталы сям’і, у тым ліку матчын пасаг — сядзібу ў Жылічах — успадкаваў Ігнат Булгак. Умовай атрымання спадчыны было заканчэнне ім універсітэта^[1].

Біяграфія

Скончыў Дэрпцкі ўніверсітэт. Пасля ўдзельнічаў у вайне 1812 года і разам з рускай арміяй дайшоў да Парыжа^[2].

Актыўна займаўся палітыкай, займаў пасады лідскага ротмістра і бабруйскага павятовага маршалка^[2].

Будаўніцтва палаца Булгакаў

Падчас знаходжання ў Парыжы ў Ігната Булгака была магчымасць палюбавацца шэдэўрамі французскай архітэктуры. Акрамя таго ён сабраў нядрэнную калекцыю карцін вядомых еўрапейскіх майстроў. Пасля вяртання дадому, Ігнат змог ужыць увесь атрыманы вопыт. Ён арганізаваў паспяховую і эканамічна граматную гаспадарку плошчай да 30 га, а таксама пачаў будаўніцтва прыгожага палаца^[2].

Сям’я

Ажаніўся з дачкой барысаўскага павятовага маршалка (1801—1803) Юзафа Мікалаевіча Слізеня Ізабэлай^[1], а пасля яе хуткай смерці — з роднай сястрой першай жонкі Тэрэзай^[3]. У выніку шлюбаў Ігнат Булгак не толькі стаў адзіным спадчыннікам усёй вялізнай маёмасці гэтага шляхецкага роду, але і здолеў заняць ганаровую пасаду свайго цесця^[1].

Ігнат меў 5 сыноў і 4 дачкі, сярод іх малодшага сына Эдгара, які стаў спадчыннікам родавай сядзібы^[2].

У 1838 годзе Янам Кшыштафам Дамелем у Мінску быў створаны сямейны трыпціх для Ігнація і Тэрэзы Булгак са старэйшым спадчыннікам Іосіфам Вітольдам^[4].

Зноскі

↑ ^а ^б ^в ^г ^д Сага о Булгаках (руск.)
↑ ^а ^б ^в ^г ^д Усадьба Булгаков «Добосна» в деревне Жиличи (руск.)
↑ Жиличи (руск.)
↑ Елена Нарижная, Владислав Кулакевич. Предметы магнатских коллекций и проблемы их совместного использования в Союзном государстве Беларуси и России

Літаратура

Aftanazy, R. Dzieje rezydencji na dawnych kresach Rzeczypospolitej : w 11 t. / R. Aftanazy. — Wrocław — Warszawa — Kraków : Zaklad im Ossolinskich, 1991. — Cz. 1. Wielkie księstwo Litewskie. Inflanty. Kurlandia. — T. 1. Województwa mińskie, mścisławskie, połockie, witebskie. — 352 s.

[СОБ-1] а ^б ^в ^г ^д Сага о Булгаках (руск.)

[УБД-2] а ^б ^в ^г ^д Усадьба Булгаков «Добосна» в деревне Жиличи (руск.)

[Жил-3] Жиличи (руск.)

[0-4] Елена Нарижная, Владислав Кулакевич. Предметы магнатских коллекций и проблемы их совместного использования в Союзном государстве Беларуси и России

[1]

[2]

[3]

[4]