Іван Іванавіч Наркевіч

Іван Іванавіч Наркевіч
Дата нараджэння	22 красавіка 1946(1946-04-22) (78 гадоў)
Месца нараджэння	Тамашэвічы, Азерскі сельсавет, Уздзенскі раён, Мінская вобласць, БССР, СССР
Грамадзянства	Беларусь
Род дзейнасці	фізік
Месца працы	Беларускі дзяржаўны тэхналагічны ўніверсітэт факультэт інфармацыйных тэхналогій БДТУ
Навуковая ступень	доктар фізіка-матэматычных навук
Навуковае званне	прафесар
Альма-матар	Беларускі дзяржаўны тэхналагічны ўніверсітэт Санкт-Пецярбургскі дзяржаўны ўніверсітэт
Узнагароды	Ганаровая грамата Дзяржаўнага камітэта па навуцы і тэхналогіях Рэспублікі Беларусь[d] Ганаровая грамата Міністэрства адукацыі Рэспублікі Беларусь

Іван Іванавіч Наркевіч (нар. 22 красавіка 1946, в. Тамашэвічы, Дзяржынскі раён, Мінская вобласць) — беларускі спецыяліст у галіне статыстычнай фізікі. Доктар фізіка-матэматычных навук (1994), прафесар (1994).

Біяграфія

Скончыў Беларускі тэхналагічны інстытут (спецыяльнасць «Тэхналогія неарганічных рэчываў і мінеральных угнаенняў», 1969; аспірантура, 1974), Санкт-Пецярбургскі дзяржаўны ўніверсітэт (дактарантура, 1993).

Праццаваў у Беларускім дзяржаўным тэхналагічным універсітэце (з 1969, факультэт інфармацыйных тэхналогій, кафедра фізікі, прафесар, у 1986—2013 — загадчык кафедры).

Навуковыя інтарэсы: малекулярна-статыстычная тэорыя неаднароднага кандэнсаванага асяроддзя і паверхневых з’яў; двухузроўневая методыка ўліку ўплыву цеплавых флюктуацый на тэрмадынамічныя патэнцыялы малекулярных сістэм, якія выкарыстоўваюцца для пабудовы нелінейнай статыстычнай тэорыі пругкасці.

Узнагароды

Ганаровыя граматы Міністэрства адукацыі Рэспублікі Беларусь (1994, 1996, 2006), Дзяржаўнага камітэта па навуцы і тэхналогіях Рэспублікі Беларусь (2005), нагрудны знак «Выдатнік адукацыі Рэспублікі Беларусь» (2000).

Бібліяграфія

• Молекулярно-статистическая теория неоднородных конденсированных сред : автореферат диссертации … доктора физико-математических наук : 01.04.14 / Наркевич Иван Иванович. — Санкт-Петербург, 1993.
• Исследования по статистической теории молекулярных систем с применением ЭВМ : автореферат диссертации … кандидата физико-математических наук : 01.04.02 / Наркевич Иван Иванович. — Минск, 1974.
• Statistical theory of nonuniform systems and reduced description in the density fluctuation theory / Narkevich I. I. // Physics aspects. — 1982. — Vol. 112 A. — P. 167—192.

Літаратура

• Наркевич Иван Иванович // Республика Беларусь : энциклопедия : [в 7 т.]. — Минск, 2007. — Т. 5. — С. 305.
• Наркевіч Іван Іванавіч // Беларуская энцыклапедыя : у 18 т. — Мінск, 2000. — Т. 11. — С. 161.