Ігар Мікалаевіч Глебаў

Ігар Мікалаевіч Глебаў
Дата нараджэння	6 лістапада 1923(1923-11-06)
Месца нараджэння	Будзіна, Бельскі павет, Смаленская губерня, РСФСР, СССР
Дата смерці	18 красавіка 1986(1986-04-18) (62 гады)
Род дзейнасці	скульптар
Месца працы	Мінскае мастацкае вучылішча БПІ
Жанр	станковая скульптура[d] і манументальная скульптура[d]
Вучоба	Мінскае мастацкае вучылішча (1950) Інстытут жывапісу, скульптуры і архітэктуры імя І. Я. Рэпіна (1955)
Партыя	УКП(б)
Член у	Саюз мастакоў БССР
Узнагароды

Ігар Мікалаевіч Глебаў (6 лістапада 1923, в. Будзінка, Бельскі раён, Цвярская вобласць, РСФСР — 18 красавіка 1986) — беларускі скульптар.

Біяграфія

Пляменнік скульптара Аляксея Глебава. Удзельнік Вялікай Айчыннай вайны. Скончыў у 1950 годзе Мінскае мастацкае вучылішча, у 1955 годзе Інстытут жывапісу, скульптуры і архітэктуры імя І. Рэпіна ў Ленінградзе. Вучыўся ў М. Керзіна, І. Крастоўскага. Удзельнік мастацкіх выставак з 1956 года. Выкладаў у 1956—1964 гадах у Мінскім мастацкім вучылішчы, у 1964—1976 гадах Беларускім політэхнічным інстытуце.

Член КПСС з 1944 года. Член Беларускага саюза мастакоў з 1957 года.

Творчасць

Працаваў у станковай і манументальнай скульптуры. Асноўныя творы: кампазіцыі «На палявым стане», «Даяркі», «У тыле ворага», «Разведчыца», «Будаўніца», «Партрэт Наташы»; помнікі У. Леніну ў Лепелі, Ф. Скарыну ў Полацку, М. Калініну ў Мінску, загінулым воінам і партызанам ў г. Стоўбцы і ў калгасе «Гігант» на Бабруйшчыне (усе ў сааўтарстве).

Творы знаходзяцца ў Нацыянальным мастацкім музеі Беларусі.

Узнагароды

Узнагароджаны двума ордэнамі Чырвонай Зоркі, Айчыннай вайны II ступені, медалямі.

Літаратура

• Глебаў Ігар Мікалаевіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.