Індустрыяльная рэвалюцыя

З пляцоўкі Вікіпедыя.
Перайсці да: рух, знайсці

Індустрыяльная (прамысловая) рэвалюцыя (прамысловы пераварот, Вялікая індустрыяльная рэвалюцыя), пераход ад пераважна аграрнай эканомікі да індустрыяльнай вытворчасці, у выніку якого адбываецца трансфармацыя аграрнага грамадства ў індустрыяльнае.

Індустрыяльная рэвалюцыя звязана з пачаткам масавага прымянення машын (пасля вынаходніцтва эфектыўнай паравой машыны ў Англіі ў пачатку 18 стагоддзя), якое прывяло да змянення ўсёй структуры грамадства. Яна суправаджалася рэзкім павышэннем вытворчасці працы, хуткай урбанізацыяй, пачаткам эканамічнага росту (дагэтуль ён быў заўважны як правіла толькі ў масштабе стагоддзяў), гістарычна хуткім павышэннем жыццёвага ўзроўню насельніцтва. Фактычна, індустрыяльная рэвалюцыя дазволіла на працягу ўсяго 3-5 пакаленняў перайсці ад аграрнага грамадства (дзе большасць насельніцтва вяла натуральную гаспадарку) да сучаснай гарадской цывілізацыі.

Індустрыяльная рэвалюцыя лічыцца завершанай са з'яўленнем машынабудавання (калі машыны робяць машыны), г.зн. прыкладна ў другой палове 19 стагоддзя.