Ірма Рыгораўна Вітоўская

Ірма Рыгораўна Вітоўская
укр.: Ірма Григорівна Вітовська-Ванца
Імя пры нараджэнні	укр.: Ірина Григорівна Вітовська
Род дзейнасці	тэатральная актрыса, тэлеактрыса, кінаактрыса, актрыса, тэлевядучая
Дата нараджэння	30 снежня 1974(1974-12-30) (49 гадоў)
Месца нараджэння	Івана-Франкоўск, УССР
Грамадзянства	Украіна
Месца працы	Кіеўскі нацыянальны акадэмічны Малады тэатр[d]
Альма-матар	Львоўская нацыянальная музычная акадэмія імя Мікалая Лысенкі (1998)
Член у	Еўрапейская кінаакадэмія
Узнагароды і прэміі	Кіеўская пектараль[d]
Медыяфайлы на Вікісховішчы

Ірма Рыгораўна Вітоўская (укр.: Ірма Григорівна Вітовська; сапраўднае імя Ірына Рыгораўна Вітоўская; нар. 30 снежня 1974(1974-12-30), Івана-Франкоўск, УССР) — украінская актрыса тэатра і кіно, прадзюсар і грамадскі дзеяч. Заслужаная артыстка Украіны (2016). Працуе ў Маладым тэатры (з 1998 года), найбольш вядомая па ролі Лесі ў серыяле «Леся+Рома» (2005—2007).

Біяграфія

Нарадзілася 30 снежня 1974 года ў Івана-Франкоўску. Бацька Ірмы паходзіў з вёскі Медуха Галіцкага раёна Івана-Франкоўскай вобласці. Прадзед па матчынай лініі — рускі, а яго жонка — латышка. Марыла стаць археолагам, некалькі гадоў запар спрабавала паступіць у Прыкарпацкі інстытут імя Стэфаніка. Наведвала тэатральны гурток пры Палацы піянераў у Івана-Франкоўску.

У 1998 годзе скончыла Львоўскі дзяржаўны музычны інстытут па спецыяльнасці «Актрыса драматычнага тэатра» (курс Багдана Козака). З таго ж года працуе ў Кіеўскім акадэмічным Маладым тэатры.

Неаднаразовая ўдзельніца шматлікіх міжнародных тэатральных фестываляў, атрымлівала персанальныя ўзнагароды.

З 11 кастрычніка 2015 года з’яўляецца трэнерам шоу «Маленькія гіганты» на канале «1+1». Была вядучай тэлеперадач «Шлюбныя гульні, або Нумар для маладых» і «Народная зорка» на канале ICTV. Прымала ўдзел у вакальным шоу «Народная зорка» на тэлеканале «Украіна».

Ірма Вітоўская — актывістка «Рэвалюцыі годнасці» і «Моўнага Майдана». У чэрвені 2018 года запісала відэазварот у падтрымку зняволенага ў Расіі ўкраінскага рэжысёра Алега Сянцова.