Ірына Паўлаўна Асмус

Ірына Паўлаўна Асмус
Род дзейнасці	клоўн, вядучая, актрыса, тэлевядучая
Дата нараджэння	28 красавіка 1941(1941-04-28)
Месца нараджэння	Ленінград, РСФСР, СССР
Дата смерці	15 сакавіка 1986(1986-03-15) (44 гады)
Месца смерці	Гомель, Гомельская вобласць, Беларуская ССР, СССР
Месца пахавання	Вялікаохцінскія могілкі
Грамадзянства	СССР
Муж	Aleksandr Khochinsky[d]
Альма-матар	Дзяржаўнае вучылішча цыркавога і эстраднага мастацтва[d]

Ірына Паўлаўна Асмус (28 красавіка 1941(1941-04-28), Ленінград — 15 сакавіка 1986(1986-03-15), Гомель) — савецкая цыркавая артыстка, клоўн, вядомая па ролі Ірыскі ў тэлевізійнай перадачы «Абвгдэйка».

Біяграфія

Нарадзілася 28 красавіка 1941 года ў Ленінградзе.

Вучылася ў Дзяржаўным вучылішчы эстраднага і цыркавога мастацтва. Па заканчэнні вучылішча працавала ў цырку як эквілібрыстка на пяршах пад кіраўніцтвам Леаніда Касцюка. На адной з трэніровак атрымала сур’ёзную траўму, што перашкаджала яе працы ў цырку, таму вырашыла паступіць у драматычную студыю Ленінградскага тэатра юнага гледача, дзе выступала ў амплуа травесці.

Затым перайшла ў Тэатр імя В. Ф. Камісаржэўскай, дзе грала Папялушку, прынцэсу Лізавету з «Прынца і жабрака», Раймонду з «Рамантыкі для дарослых», Джульету і іншыя ролі. Пазней вярнулася ў цырк, але ўжо ў якасці клоўна, і выступала ў сольных нумарах пад сцэнічным псеўданімам Ірыска.

У 1978 годзе пачала здымацца ў тэлевізійнай перадачы «Абвгдэйка» пад псеўданімам Ірыска. Гэтая роля прынесла артыстцы найбольшую вядомасць у СССР. Але ў 1986 годзе І. Асмус адхілілі ад удзелу ў «Абвгдэйцы», замяніўшы яе іншай артысткай.

У сакавіку 1986 года выехала з цыркавымі гастролямі ў Гомель. На выступе 15 сакавіка на арэне Гомельскага цырка пры ўздыме на шыйнай пятлі пад купал цырка зламаўся механізм кручэння, што прывяло да падзення артысткі з васьміметровай вышыні і яе трагічнай гібелі.

Пахавана ў Санкт-Пецярбургу на Вялікаохцінскіх могілках.