Гомельскі дзяржаўны цырк

З пляцоўкі Вікіпедыя
Jump to navigation Jump to search
Установа культуры "Заслужаны калектыў Рэспублікі Беларусь "Відовішчна-культурны комплекс "Гомельскі дзяржаўны цырк"
Тып Стацыянарны цырк
Заснаванне 1972
Размяшчэнне вул. Савецкая 27, 246050 г.Гомель, Беларусь
Ключавыя фігуры дырэктар Якаў Міхайлавіч Лабовіч
Галіна культура
Сайт gomel-circus.by
Гомельскі дзяржаўны цырк на паштовай марцы Рэспублікі Беларусь.

Го́мельскі дзяржа́ўны цырк — стацыянарны цырк, размешчаны ў горадзе Гомелі. Цыркавы сезон доўжыцца з верасня па май, на працягу якога змяняюцца пяць-шэсць праграм.

Гісторыя[правіць | правіць зыходнік]

Помнік клоўну Карандашу і яго сабачку Кляксе

Упершыню цырк у Гомелі быў пабудаваны ў 1890-я гады прадпрымальнікам І. Слабадовым. Ён быў драўляны і размяшчаўся на Коннай плошчы (дзе цяпер размешчаны цэнтральны рынак), будынак існаваў да 1917 года. Другі цырк у Гомелі быў пабудаваны ў 1926 годзе, у 1932 годзе будынак быў перададзены тэатру, а ў 1941 годзе згарэў. У 1950-я гады працаваў цырк-шапіто.

Цяперашні будынак цырка, размешчаны ў цэнтры горада, пабудаваны ў 1972 годзе. Першае шоў у ім адбылося 2 снежня 1972 года.

У 1986 годзе ў Гомельскім цырку падчас прадстаўлення загінула Ірына Асмус, вядомая па ролі Ірыска ў тэлеперадачы Абвгдэйка.

У 2006 годзе ля будынка цырка быў рэканструяваны фантан, а перад будынкам устаноўлены помнік вядомаму клоўну Алоўку.

У кастрычніку 2006 г. Гомельскаму Дзяржцырку было прысвоена званне «Заслужаны калектыў Рэспублікі Беларусь».

Архітэктура[правіць | правіць зыходнік]

Цырк у плане прамавугольны. Над ніжнім паверхам, які аб'ядноўвае вестыбюль, службовыя памяшканні, гардэроб, буфеты і інш. размяшчаецца чашападобны амфітэатр, перакрыты спусцістым сферычным купалам. Ззаду да будынка прымыкае ўнутраны дворык, дзе размяшчаюцца вальеры для жывёл, звязаныя непасрэдна з манежам. У 100 м ад будынка цырка размяшчаецца гасцініца для артыстаў. Глядзельная зала цырка разлічаная на 1544 месцы.

Спасылкі[правіць | правіць зыходнік]