Ірына Паляшчук

Ірына Паляшчук
Агульная інфармацыя
Нарадзілася	1 жніўня 1973(1973-08-01) (52 гады) Мінск, Беларуская ССР, СССР
Грамадзянства	Францыя  Беларусь
Рост	186 см
Вага	72 кг
Клубная кар’ера 1985—1994 Амкадор 1994—2004 Вілебон[d] 2004—2006 La Rochette Volley[d] 2006—2007 Расінг[d] 2007—2008 Entente Sportive Le Cannet-Rocheville[d] 2008—2011 Расінг[d]
Медыяфайлы на Вікісховішчы

Ірына Паляшчук (нар. 1 жніўня 1973, Мінск) — беларуская і французская валейбалістка, чэмпіёнка Еўропы сярод моладзі. Выступала за зборныя Беларусі і Францыі. Майстар спорту міжнароднага класа Рэспублікі Беларусь.

Біяграфія

Скончыла Рэспубліканскае дзяржаўнае вучылішча алімпійскага рэзерву і Беларускі дзяржаўны ўніверсітэт фізічнай культуры.

Кар’еру валебалісткі пачала ў 1985 годзе ў мінскім «Амкадоры», дзе гуляла да 1994 года. У 1991—1992 гадах уваходзіла ў юнацкую зборную СНД сярод юнакоў да 20 гадоў, з якой выйгравала чэмпіянат свету сярод юнакоў да 20 гадоў і чэмпіянат Еўропы сярод юнакоў да 19 гадоў. У 1993 годзе дэбютавала ў нацыянальнай зборнай Беларусі, у складзе якой выступала да 2003 года. З 1994 па 2004 год выступала за клуб «Вілебон 91», з якім выйграла Кубак Францыі і Кубак лепшых каманд.

Вясной 2003 года прыняла французскае грамадзянства.