Абжора

Абжора. Малюнак Валерыя Слаука. 2008

Абжо́ра, абжырала, прожар — казачна-былінны персанаж. Звычайна дапамагае Асілку ў вырашэнні цяжкіх задач: высватаць нявесту, з'есці горы ежы і інш. У некаторых казках, напрыклад «Як Ілья Мурамец перамог Салаўя-Разбойніка, Абжору, Алькадзіма», выступае як адмоўны персанаж. У варыянце казкі «Праз Ільюшку» ёсць падобны на Абжору цар Прожар.

Літаратура

• Абжора // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.