Абіягенез

Абіягенез (стар.-грэч.: Αβιογένεση; а — адмоўная часціца + біяс — жыццё + генезіс — нараджэнне, паходжанне) — тэорыя ўзнікнення жыцця на Зямлі, паводле якой зародкі жывых істот утварыліся ў выніку ўскладнення рэчываў неарганічнай матэрыі па-за аріанізмам і без удзелу ферментаў.

Зыходная гіпотэза сучаснай тэорыі паходжання жыцця на Зямлі абіягенным шляхам (належыць А. І. Апарыну і Дж. Холдэйну). Магчымасць абіягенеза ўпершыню даказана ў XIX ст. штучным сінтэзам мачавіны. У сярэдзіне XX ст. эксперыментальна ажыццёўлены абіягенны сінтэз бялковападобных і іншых арганічных рэчываў ва ўмовах, якія ўзнаўляюць умовы першабытнай Зямлі.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).