Агава

Агава
Агава амерыканская (Agave americana)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Спаржавыя Падсямейства:  Агававыя Род:  Агава
Міжнародная навуковая назва
Agave L., 1753
Тыпавы від
Agave americana L., 1753 — Агава амерыканская
Сістэматыка на Віківідах Выявы на Вікісховішчы ITIS   182659 NCBI   39509 EOL   39864112 GRIN   g:292 IPNI   325900-2

Ага́ва (Agáve) — род аднадольных раслін падсямейства агававых.

Апісанне

Сцябло ўкарочанае, з разеткай буйнога мясістага калючага лісця. Цвітуць раз у жыцці на 6—15-м годзе, утвараючы кветанос вышынёй да 12 м з шматкветнай (да 17 тыс.) мяцёлкай. Потым расліны адміраюць, ад карэнішча адрастаюць парастхі.

Пашырэнне

Радзіма — Цэнтральная Амерыка. Больш за 200 відаў. У Еўропу завезена пасля адкрыцця Амерыкі. Некаторыя віды культывуюцца ў адкрытым грунце ў Крыме і на Каўказе. На Беларусі ў пакоях і аранжарэях як дэкаратыўная вырошчваецца агава нітканосная (Agave filifera), агава сціснутая (Agave stricta), агава амерыканская (Agave americana), агава караля Фердынанда (Agave americana), агава каралевы Вікторыі (Agave victoriae-reginae) і інш.

Выкарыстанне

З лісця робяць грубую тканіну, паперу, з соку — напоі, з каранёў — лекі.

Літаратура

• Агава // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).