Каскадныя горы

Каскадныя горы (англ.: Cascade Range) — буйны горны хрыбет на захадзе Паўночнай Амерыкі, які распасціраецца ад паўднёвай часткі канадскай правінцыі Брытанская Калумбія праз амерыканскія штаты Вашынгтон і Арэгон да паўночнай Каліфорніі.

Каскадныя горы з'яўляюцца часткай Ціхаакіянскага вогненнага кольца, якое ўключае вулканы і звязаныя з імі горы ўздоўж усяго ўзбярэжжа Ціхага акіяна. Большасць вядомых вывяржэнняў у ЗША звязаныя менавіта з вулканамі Каскадных гор. Два нядаўнія моцныя вывяржэнні ўключаюць вывяржэнне вулкана Ласен-Пік у 1914-1915 гадах і вывяржэнне Сент-Хеленс ў 1980 годзе. Невялікае вывяржэнне Сент-Хеленс адбылося ў 2006 годзе.