Велікаротавая акула або Акула-велікарот (Megachasma pelagios) — адзін з трох вядомых навуцы відаў акул, які харчуюцца планктонам (апроч кітовай і гіганцкай акулы). З часу адкрыцця гэтай глыбакаводнай акулы ў 1976 годзе, яна застаецца адзіным відам ў сямействе велікаротых акул (Megachasmidae). Да кастрычніка 2012 года назіраліся толькі 54 асобіны, з якіх толькі нямногія ўдалося навукова даследаваць. Пра анатомію, паводзіны і арэал гэтай акулы пакуль вядома вельмі мала.
