Алабамскі ўніверсітэт у Бірмінгеме

Алабамскі ўніверсітэт у Бірмінгеме
англ.: University of Alabama at Birmingham
Арыгінальная назва	англ.: University of Alabama at Birmingham
Заснаваны	1969
Студэнты	18 698
Краіна	ЗША
Размяшчэнне	Бірмінгем, Алабама, ЗША
Сайт	uab.edu
Медыяфайлы на Вікісховішчы

Алабамскі ўніверсітэт у Бірмінгеме (англ.: University of Alabama at Birmingham) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Бірмінгем ў штаце Алабама.

Агульная характарыстыка

Універсітэт прапануе 140 праграм навучання ў 12 акадэмічных каледжах і школах, якія вядуць да атрымання ступеняў бакалаўра, магістра, доктара і прафесійных кваліфікацый у гуманітарных, матэматычных, сацыяльных, паводніцкіх, прыродазнаўчых і фізічных навуках, бізнесе, адукацыі, тэхніцы і ахове здароўя, такіх як медыцына, стаматалогія, афтальмалогія, сястрынская справа і ахова грамадскага здароўя. Восенню 2020 года ва ўніверсітэт было залічана 22,5 тысячы студэнтаў з больш чым 110 краін свету.

Вучэльня з'яўляецца адным з найбуйнейшых акадэмічных універсітэцкіх медыцынскіх цэнтраў у Злучаных Штатах. Шпіталь універсітэта фінансуе праграмы ардынатуры па медыцынскіх спецыяльнасцях, у тым ліку ўнутраным хваробам, неўралогіі, фізічнай медыцыны і рэабілітацыі, хірургіі, радыялогіі і анестэзіялогіі.

Структура

• Каледж мастацтваў і навук
• Школа бізнесу
• Школа стаматалогіі
• Школа адукацыі
• Школа інжынерыі
• Школа прафесій аб здароўі
• Школа медыцыны
• Школа медсястрынства
• Школа афтальмалогіі
• Школа грамадскага здароўя
• Ганаровы каледж
• Школа аспірантуры

Гл. таксама

• Спіс універсітэтаў штата Алабама

Спасылкі

• На Вікісховішчы ёсць медыяфайлы па тэме Алабамскі ўніверсітэт у Бірмінгеме
• Афіцыйная інтэрнэт-старонка ўстановы