Алег Мікалаевіч Керчу

Алег Керчу
Агульная інфармацыя
Поўнае імя	Алег Мікалаевіч Керчу
Нарадзіўся	6 ліпеня 1984(1984-07-06) (38 гадоў) Чарнаўцы, Чарнавіцкая вобласць, УССР, СССР
Грамадзянства	Украіна
Рост	178 см
Вага	73 кг
Пазіцыя	абаронца
Інфармацыя пра клуб
Клуб	Пакуцце
Клубная кар’ера
2001—2005 Букавіна (Чарнаўцы) 128 (7) 2006 Дзясна (Чарнігаў) 20 (0) 2007 Прыкарпацце (Івана-Франкоўск) 15 (0) 2007—2013 Букавіна (Чарнаўцы) 155 (12) 2014 Нафтан (Наваполацк) 31 (0) 2015 Ніва (Цярнопаль) 16 (3) 2016 Букавіна (Чарнаўцы) 4 (0) 2016 Юкрэйн Юнайтэд (Таронта) 20 (3) 2017 Букавіна (Чарнаўцы) 7 (0) 2017—2018 Варкута (Таронта) 27 (6) 2019 Букавіна (Чарнаўцы) 10 (1) 2019 Эпіцэнтр (Дунаіўці) 2019— Пакуцце (Каламыя)
Медыяфайлы на Вікісховішчы

Алег Керчу (нар. 6 ліпеня 1984, Чарнаўцы) — украінскі футбаліст, абаронца каламыйскага «Пакуцця».

Клубная кар’ера

Выхаванец букавінскага футбола, прафесійную кар’еру пачаў у чарнавіцкай «Букавіне». За букавінскі клуб у 2001—2006 гадах згуляў 123 матчы (7 галоў). У 2006 годзе перайшоў у чарнігаўскую «Дзясну», у складзе якой стаў пераможцам Другой лігі Украіны 2005/06.

У 2007 годзе перабраўся ў склад івана-франкоўскага «Прыкарпацця». Правёў 15 матчаў, разам з клубам атрымаў срэбраныя медалі Другой лігі 2006/07.

У 2008 годзе вярнуўся ў родную «Букавіну», дзе стаў адным з лідараў каманды, а з часам і капітанам. У складзе «Букавіны» стаў пераможцам Другой лігі 2009/10, а таксама рэкардсменам чарнавіцкай каманды па колькасці згуляных паядынкаў у чэмпіянаце і Кубку Украіны.

У студзені 2014 года па запрашэнні свайго земляка Руслана Гунчака накіраваўся на прагляд у наваполацкі «Нафтан», і ў выніку ў лютым 2014 падпісаў кантракт з клубам. У «Нафтане» замацаваўся на пазіцыі асноўнага левага абаронцы, у канцы сезона часам стаў выкарыстоўвацца як апорны паўабаронца. У студзені 2015 года пакінуў наваполацкі клуб.

У сакавіку 2015 вярнуўся ва Украіну, стаўшы іграком цярнопальскай «Нівы». Сезон 2015/16 таксама пачынаў у «Ніве», але ў жніўні 2015 года пакінуў клуб. У пачатку 2016 года гуляў за «Букавіну», пасля чаго пераехаў у канадскі клуб «Юкрэйн Юнайтэд». У сакавіку 2017 года вярнуўся ў «Букавіну», аднак ужо ў маі зноў з’ехаў у Канаду, папоўніўшы склад клуба «Варкута».

У красавіку 2019 года чарговы раз стаў іграком «Букавіны». З лета 2019 года выступае на аматарскім узроўні.

Дасягненні

• Пераможца Другой лігі Украіны (2): 2005/06, 2009/10

Спасылкі

• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Статыстыка на сайце Федэрацыі футбола Украіны (укр.) 
• Профіль на сайце teams.by (руск.) 
• Профіль на сайце pressball.by (руск.)