Альбрэхт II (герцаг Мекленбурга)

Альбрэхт II Мекленбургскі
Albrecht II. von Mecklenburg
Герцаг Мекленбурга 1329 — 18 лютага 1379
Папярэднік	Генрых II Мекленбургскі
Пераемнік	Генрых III Мекленбургскі
Нараджэнне	1318 Шверын, Германія
Смерць	18 лютага 1379
Месца пахавання	Doberan Abbey[d]
Род	Мекленбургскі дом
Бацька	Генрых II Мекленбургскі[d]
Маці	Ганна Саксен-Вітэнбергская[d]
Жонка	Еўфемія Шведская
Дзеці	Альбрэхт Мекленбургскі[d], Інгеборга Мекленбург-Шверынская[d], Генрых III Мекленбургскі, Магнус I Мекленбургскі[d] і Ганна Мекленбургская[d]
Медыяфайлы на Вікісховішчы

Альбрэхт II, герцаг Мекленбургскі (ням.: Albrecht II., Herzog zu Mecklenburg; 1318 — 18 лютага 1379) — герцаг Мекленбурга ў 1348—1379 гадах.

Біяграфія

Альбрэхт II — сын князя Генрыха II Мекленбургскага і Ганны Саксен-Вітэбергскай, дочцы герцага Альбрэхта II Саксен-Вітэнбергскага. З 1329 года Альбрэхт кіраваў Мекленбургам пры рэгенце, з 1336 года — самастойна. Разам з памеранскімі герцагамі Атонам I і Барнімам III вёў вайну супраць Брандэнбурга (Памеранска-Брадэнбургская вайна). 8 ліпеня 1348 года разам са сваім братам Іаганам I атрымаў ад імператара Карла IV тытул герцага і ўключаны ў імперскае саслоўе. Пры раздзеле краіны 25 лістапада 1352 года атрымаў Ростак і асноўныя землі Мекленбурга. У 1357 годзе прысвоіў сабе Шверынскае графства. Як і Карл IV, спачатку падтрымаў Лжэвальдэмара, але ў 1350 годзе пагадзіўся з маркграфам Людвігам. 20 лютага 1368 года Альбрэхт II уступіў у альянс з вендскімі ганзейскімі гарадамі. Незадоўга да смерці даручыў Эрнсту фон Кірхбергу напісаць Мекленбургскую рыфмаваную хроніку. Пахаваны ў Даберанскім манастыры.

Статуя Альбрэхта II у Шверынскім замку

Нашчадкі

Альбрэхт II быў жанаты з Еўфеміяй, герцагіняй Шведскай, а пазней з Адэлаідай, графіняй Ганштэйна.

• Генрых III (1337—1383) — герцаг Мекленбурга (1379—1383)
• Альбрэхт III (1338—1412) — герцаг Мекленбурга (1388—1412) і кароль Швецыі
• Магнус I (пасля 1338—1384) — герцаг Мекленбурга (1379—1384)
• Інгеборга (каля 1340—1395), замужам у першым шлюбе за Людвігам VI Баварскім, у другім — за Генрыхам II Гольштэйнскім
• Ганна (пам. 1415), замужам за Адольфам IX Шаўмбургскім

Літаратура

• Eberhard Holz, Wolfgang Huschner (Hrsg.): Deutsche Fürsten des Mittelalters. Edition Leipzig, Leipzig 1995, ISBN 3-361-00437-3.

Спасылкі

• Генеалагічнае дрэва Мекленбургскага дому Архівавана 8 лютага 2012.