Алісэ Брага

Алісэ Брага
парт.: Alice Braga
Дата нараджэння	15 красавіка 1983(1983-04-15) (43 гады)
Месца нараджэння	Сан-Паўлу, штат Сан-Паўлу, Бразілія
Грамадзянства	Бразілія
Маці	Ana Braga[d]
Адукацыя	Pontifícia Universidade Católica de São Paulo[d]
Прафесія	сцэнарыст, кінаактрыса, тэлеактрыса, кінапрадзюсар, тэлепрадзюсар, video game actor, актрыса агучвання, актрыса
Кар’ера	1998 — наш час
Кірунак	Драма Трылер Баявік Меладрама
IMDb	ID 0103797
Медыяфайлы на Вікісховішчы

Алісэ Брага Мараеш (парт.: Alice Braga Moraes, нар. 15 красавіка 1983(1983-04-15), Сан-Паўлу) — бразільская актрыса, фотамадэль.

Біяграфія

Нарадзілася ў каталіцкай сям’і. Маці Алісэ — актрыса Ганна Брага — з дзяцінства вадзіла дачку на здымачныя пляцоўкі, што абудзіла цікавасць дзяўчынкі да акцёрства. Яна пачала ўдзельнічаць у школьных спектаклях, а потым і ў камерцыйных радыёперадачах.

У кіно дэбютавала ў 1998 годзе, але сапраўдны поспех да актрысы прыйшоў у 2002 годзе пасля таго, як яна сыграла Анжаліку ў бразільскім фільме «Горад Бога» і нават была намінаваная на нацыянальную кінапрэмію. Зняўшыся ў каля тузіну фільмаў за пяць гадоў, Алісэ Брага прыцягнула да сябе ўвагу галівудскіх прадзюсараў.

Міжнароднае прызнанне прыйшло да яе пасля фільма «Я — легенда», які выйшаў на экраны ў 2007 годзе, з Уілам Смітам у галоўнай ролі. У 2008 годзе Брага грала ў фільме Дэвіда Мемета «Чырвоны пояс». Яна ўвайшла ў акцёрскі ансамбль з удзелам Шона Пена і Харысана Форда ў карціне «Пераправа» (анг. Crossing Over), якая расказвае пра жыццё імігрантаў у Лос-Анджэлесе і іх спробах атрымаць амерыканскае грамадзянства.

Яна зноў папрацавала разам з рэжысёрам «Горада Бога» Фернанду Мейрэлішам, выканаўшы адну з вядучых роляў у яго фільме «Слепата», знятага паводле рамана лаўрэата Нобелеўскай прэміі Жазэ Сарамага. Пасля гэтай працы актрыса знялася ў галоўных жаночых ролях такіх буйных галівудскіх праектаў як «патрашыцель» і «Драпежнікі», а таксама ў аднайменнай экранізацыі рамана Паўла Каэльё «Адзінаццаць хвілін».

Сярод іншых яе прыкметных кінапрац — драма аб небяспеках любоўнага трохвугольніка «Ніжні горад» (2005), эксцэнтрычная камедыя парт. O Cheiro do Ralo (2007), а таксама роля бесклапотнай студэнткі мастацкай школы ў фільме ісп.. Sólo Dios Sabe (2006) з Дыега Лунай, прэм’ерны паказ якога адбыўся на кінафэсце «Санденс». Яшчэ адзін фільм 2006 года ў духу «незалежнага кіно» — англ. A Journey to the End of the Night з Брэнданам Фрэйзер і Мосам Дэфам, дзеянне якога разгортваецца на фоне бразільскай індустрыі гандлю секс-паслугамі.

Брага свабодна гаворыць на партугальскай, іспанскай і англійскай.

Фільмаграфія

Год		Беларуская назва	Арыгінальная назва	Роля
2002	ф	Горад Бога	Cidade de Deus	Анжаліка
2005	ф	Ніжні горад	Cidade baixa	Карына
2007	ф	Я — легенда	I Am Legend	Ганна
2008	ф	Чырвоны пояс	Redbelt	Сандра Тэры
2008	ф	Слепата	Blindness	Жанчына ў цёмных ачках
2009	ф	Пераправа	Crossing Over	Mireya Sanchez
2010	ф	Патрашыцелі	Repo Men	Бэт
2010	ф	Драпежнікі	Predators	Ізабелль
2011	ф	Абрад	The Rite	Анджэліна
2011	ф	Адзінаццаць мінуць	Eleven Minutes
2013	ф	Элізіум	Elysium

Спасылкі

• Алісэ Брага на сайце «Internet Movie Database» (англ.)