Аніца Бошкавіч
| Аніца Бошкавіч | |
|---|---|
| Асабістыя звесткі | |
| Дата нараджэння | 3 снежня 1714 |
| Месца нараджэння | |
| Дата смерці | 13 жніўня 1804 (89 гадоў) |
| Месца смерці | |
| Прафесійная дзейнасць | |
| Род дзейнасці | паэтка, пісьменніца |
Аніца Бошкавіч (харв.: Anica Bošković; нар. 3 снежня 1714, Дуброўніцкая рэспубліка — 13 жніўня 1804, Дуброўнік, Дуброўніцкая рэспубліка) — харвацкая паэтэса і перакладчыца.
Біяграфія
[правіць | правіць зыходнік]Аніца Бошкавіч была малодшым дзіцем у сям’і дуброўніцкага гандляра Ніколы Бошкавіча. Пасля нядоўгага навучання дома яна паступіла на вучобу ў манастыр Святой Катарыны, дзе яе старэйшая сястра Марыя была ігуменняй. Скончыўшы навучанне, яна захапілася стварэннем літаратурных твораў на харвацкай мове. Самай вядомай працай, якая выйшла з-пад яе пяра, стала, апублікаваная ў Венецыі ў 1758 годзе кніга «Razgovor pastirski varhu porođenja Gospodinova jedne djevojčice Dubrovkinje», якая перажыла тры выданні, выкананая ў форме актавы і арыентаваная ў першую чаргу на юных чытачак[1]. Пазней гэты твор стаў вядомы пад назвай «Ljubica» і быў прызнаны адзінай надрукаванай кнігай у гісторыі Дуброўніцкай Рэспублікі, аднаасобна напісанай жанчынай[2]. Кніга праз некаторы час была перакладзеная на італьянскую мову яе братам Руджэрам Іосіпам, з якім Аніца Бошкавіч вяла актыўную перапіску, якая цяпер захоўваецца ў архіве Каліфарнійскага універсітэта ў Берклі, у спецыяльным аддзеле пад назвай «Poesie Illyriche di Anna Boscovich». Акрамя напісання кніг, яна таксама займалася перакладамі рэлігійных тэкстаў і вершаў з італьянскай мовы.
Зноскі
Літаратура
[правіць | правіць зыходнік]- Bošković, Anica // Hrvatska enciklopedija (харв.). — mrežno izdanje. — Leksikografski zavod Miroslav Krleža, 2021. Архівавана 15 кастрычніка 2021 года.
- Foretić, Miljenko. BOŠKOVIĆ, Anica // Hrvatski biografski leksikon. — 1989. Архівавана 17 красавіка 2023 года.
Спасылкі
[правіць | правіць зыходнік]- Anica Bošković (англ.). Knjiženstvo — Women Writers Database.
