Аршанскія стаянкі

З Вікіпедыі, свабоднай энцыклапедыі

Аршанскія стаянкі каменнага веку — археалагічныя помнікі каля г. Орша Віцебскай вобласці.

Стаянка — 1[правіць | правіць зыходнік]

Стаянка грэнскай культуры за 0,5 км на поўначы ад горада, ва ўрочышчы Кабыльнікі, на правым карэнным беразе Дняпра, выш. 25 м над узроўнем вады. Плошча каля 2000 м2. У 1978 г. адкрыў і ў 19801987 гг. даследаваў 300 м2 У. П. Ксянзоў. Культурны пласт разбураны ворывам. знойдзены 2873 экз. расшчэпленых крэменяў і прылад працы. Пераважаюць адшчэпы, нуклеусы і пласціны. сярод 124 прылад працы сіметрычны тронкавы наканечнік стралы, скоблі, сярэдневуглавыя, вуглавыя і бакавыя разцы, праколкі, правёрткі, сякучыя і грубавыемчатыя прылады, скрабкі. Датуецца IX — VIII-м тыс. да н.э.

Стаянка — 2[правіць | правіць зыходнік]

Стаянка неалітычнай эпохі ў межах горада, насупраць вуліц Бялінскага і Крылова, на 1-й надпоймавай тэрасе левага берага Дняпра, выш. над узроўнем вады 8 — 9 м. Пляцоўка памерамі 30х70 м. У 1988 г. У. П. Ксянзоў даследаваў 168 м2. Культурны пласт 0,2 — 0,5 м. Знойдзены 2858 крамянёвых вырабаў і прылад працы, у т.л. лістападобны постсвідэрскі наканечнік стралы, праколка, скрабкі, вуглавыя разцы, укладышы, скоблі, фрагмент ляпнога посуду, арнаментаваны адбіткамі. Датуецца канцом III-га — пачатку II-га тыс. да н.э.

Літаратура[правіць | правіць зыходнік]

  • Ксензов, В.П. Мезолит Северной и Центральной Беларуси / В. П. Ксензов; Ін-т гісторыі Нацыянальнай акадэміі навук Беларусі; Навук. рэд. І. М. Язэпенка. – Мінск: Ін-т гісторыі НАН Беларусі, 2006. — 169 с.: ил., табл. — (Матэрыялы па археалогіі Беларусі = Materials on the archaeology of Belarus; № 13).
  • Ксензов, В. П. Памятник гренской культуры Орша 1 // Гістарычныя лёсы Верхняга Падняпроўя: Рэгіянал. навук. канф. Ч. 1. Археалогія. — Магілёў, 1995.