Атмасфера

Атмасфе́ра (ад грэч. Ατμός — «пар» і σφαῖρα — «сфера») — газавая абалонка нябеснага цела, утрымліваецца вакол яго гравітацыяй. Паколькі не існуе рэзкай мяжы паміж атмасферай і міжпланетнай прасторай, то звычайна атмасферай прынята лічыць вобласць вакол нябеснага цела, у якой газавае асроддзе круціцца разам з ім як адзінае цэлае. Глыбіня атмасферы некаторых планет, якая складаецца ў асноўным з газаў (газавыя планеты), можа быць вельмі вялікай.

Атмасферны ціск

Атмасферны ціск — фізічная велічыня, лікава роўная сіле, падзеленай на плошчу паверхні. Атмасферны ціск ствараецца гравітацыйным прыцягненнем паветра да планеты.

Спіс атмасфер планет

• Атмасфера Венеры
• Атмасфера Зямлі
• Атмасфера Марса

Гл. таксама

• Паветра
• Надвор'е

Крыніцы

• Атмосферы планет - Большой энциклопедический словарь (руск.)