Андрэй Эрыхавіч Духоўнікаў

Андрэй Эрыхавіч Духоўнікаў
Дата нараджэння	29 лістапада 1966(1966-11-29) (57 гадоў)
Месца нараджэння	Ленгер, Талебійскі раён[d], Чымкенцкая вобласць, Казахская ССР, СССР
Род дзейнасці	мастак
Вучоба	мастацка-графічны факультэт ВДУ (1993)

Андрэй Эрыхавіч Духоўнікаў (нар.29 лістапада 1966, г. Ленгер, Чымкенцкая вобласць, Казахстан) — беларускі мастак.

Біяграфія

У 1982 г. пераехаў з сям'ёй у Беларусь, з 1988 — у Віцебску. Скончыў мастацка-графічны факультэт Віцебскага дзяржаўнага педагагічнага інстытута (1993). Член Беларускага саюза мастакоў (1999). Жыве ў Віцебску.

Працуе ў розных жанрах графікі і жывапісу.

Сярод работ: «Паласатае сонца» (1993), «Куцця» (2000), «Сто малюнкаў пра цябе» (2001), «Музыка старога горада» (2005), «Добрай раніцы, горад» (2005), «Стары штукар» (2008), «Твае кветкі» (2008), «Дом архітэктара Кібардзіна» (2009), «Дом на вуліцы Суворава» (2009), «Прынцэса ідзе на прагулку» (2009), «Панарама Віцебска» (2009), «Цырк» (2010) і інш. Аўтар жывапісных серый «Прагулкі па Віцебску» (1995—2003, больш за 300 работ), «Нашэсце камедыянтаў» (1995—2005, каля 100 работ), «Маленькія казачкі» (2001—2004).

Творы мастака знаходзяцца ў дзяржаўных і прыватных калекцыях Беларусі і замежжа.

Літаратура

• Цыбульский, М. Л. Духовников Андрей Эрихович / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2010. — Т. 2 : Витебская область. Кн. 1. — С. 414.