Беняконі (пагранічная застава)
Пагранічная застава «Беняконі» — падраздзяленне Лідскага пагранічнага атраду на ўчастку беларуска-літоўскай мяжы. Размешчана па адрасе вёска Беняконі, вул. Міцкевіча, 17.
Гісторыя[правіць | правіць зыходнік]
З’яўляецца правапераемнікам пагранічнага паста «Канвелішкі», сфарміраванага ў студзені 1993 года, у складзе камендатуры «Ліда» Смаргонскага пагранічнага атраду. З 2 снежня 2011 года пагранічная застава «Беняконі» прыступіла да аховы дзяржаўнай граніцы агульнай працягласцю каля 40 кіламетраў з новага месца дыслакацыі. Новы комплекс пагранічнай заставы, пабудаваны па Праграме ўладкавання знешняй граніцы Саюзнай дзяржавы на перыяд 2007—2011 гадоў.
Умовы[правіць | правіць зыходнік]
Адлегласць ад заставы да дзяржаўнай граніцы ўсяго каля 2,5 кіламетраў, што дазваляе значна скараціць час рэагавання па абстаноўцы. Комплекс заставы абсталяваны найноўшым тэхналагічным абсталяваннем, інфармацыйнымі, тэлекамунікацыйнымі, інжынернымі сеткамі і сістэмамі відэаназірання. Таксама ў склад комплексу, які можа працаваць у аўтаномным рэжыме, увайшлі 8-кватэрны жылы дом, склад гаруча-змазачных матэрыялаў, гарадок для службовых сабак, спартыўныя пляцоўкі, трансфарматарная станцыя, воданапорная вежа з артэзіянскімі свідравінамі, ачышчальныя збудаванні. На першым паверсе будынка размешчаны службовыя памяшканні, на другім — блок харчавання і адпачынку ваенных.
Інцыдэнты[правіць | правіць зыходнік]
У ноч з 3 на 4 жніўня 2021 года на ўчастку пагранічная застава «Беняконі» быў знойдзены паранены нелегальны мігрант з Ірака, які хутка памёр. Беларускія ўлады абвінавацілі ў збіцці літоўскіх пагранічнікаў[1][2].
Зноскі
- ↑ «Умер на руках у пограничников». На границе погиб житель Ирака. Он возвращался из Литвы Архівавана 18 лістапада 2021., intex-press, 4-08-2021
- ↑ Жителем приграничья, первым заметившим мигранта, оказался ветеран Афганистана, экс-сотрудник военкомата Архівавана 18 лістапада 2021., intex-press, 4-08-2021