Брэстбудпраект

З Вікіпедыі, свабоднай энцыклапедыі
Брэстбудпраект
Заснаванне 1960
Сайт brsp.by

«Брэстбудпраект» — праектна-вышукальніцкі інстытут у Брэсце, размешчаны ў будынку па вуліцы Пушкінскай, 19.

Гісторыя[правіць | правіць зыходнік]

Заснаваны ў 1960 годзе як праектна-каштарыснае бюро «Аблміжкалгасбуда», перайменаванае ў 1963 годзе ў «Аблміжкалгаспраект». З 1969 года брэсцкі філіял рэспубліканскага праектна-вышукальніцкага інстытута «Белкалгаспраект», з 1986 інстытут «Брэстсельбудпраект» аб’яднання «Брэстаблсельбуд», з 2000 РУП, з 2003 дзяржаўнае УП «Інстытут Брэстбудпраект». З 2008 мае філіял «Столінбудпраект».

Структура[правіць | правіць зыходнік]

Асноўныя аддзелы: комплекснага праектавання (2), спецработ, інжынерных пошукаў з акрэдытаванай лабараторыяй даследавання грунтоў, тэхнічны, якасці, аўтаматызацыі праектных работ, выпуску.

Кірункі дзейнасці[правіць | правіць зыходнік]

Асноўныя кірункі дзейнасці: выкананне праектна-вышукальніцкіх работ для аб’ектаў сельскай гаспадаркі, прамысловага, жыллёва-грамадзянскага і індывідуальнага будаўніцтва, газа-, цеплаводазабеспячэння прамысловых прадпрыемстваў і населеных пунктаў, сістэм пажарна-ахоўнай сігналізацыі; ажыццяўляе тэхнічны кантроль і аўтарскі нагляд за якасцю будаўніцтва. Распрацоўвае праектна-каштарысную дакументацыю для прадпрыемстваў АПК, аб’ектаў сацкультбыту і свабоднай эканамічнай зоны «Брэст», заводаў жалезабетонных вырабаў і інш.

Праекты[правіць | правіць зыходнік]

Прадпрыемствам распрацаваны праекты: птушкафабрыкі ААТ «Камароўка» ў Брэсцкім раёне, мясаперапрацоўчага прадпрыемства СП «Еўра Трэйд Брэст» ТАА ў Брэсце, свінакомплекса замежнага ТАА «Белдан» у Ляхавіцкім раёне, расшырэння рыбаперапрацоўчага комплексу СП «Санта Брэмар» ТАА, рэканструкцыі Дома культуры ў Кобрыне і інш.

Літаратура[правіць | правіць зыходнік]

  • В. А. Блинков. «Брестстройпроект» // Рэгіёны Беларусі: энцыклапедыя. У 7 т. = Регионы Беларуси: энциклопедия. В 7 т. (руск.) / Т. В. Белова (гл. ред.). — Мн.: БелЭн, 2009. — Т. 1. Брестская область. В 2 кн. Книга 1. Абрамов — Куфко. — 519 с. — 2 500 экз. — ISBN 978-985-11-0464-8.

Спасылкі[правіць | правіць зыходнік]