Будынак Дзяржбанка (Новасібірск)
| Славутасць | |
| Будынак Дзяржбанка | |
|---|---|
 | |
| 55°01′49″ пн. ш. 82°55′08″ у. д.HGЯO | |
| Краіна | |
| Месцазнаходжанне | |
| Архітэктурны стыль | канструктывізм |
| Архітэктар | Andrey Kryachkov |
| Першае згадванне | 1928 |
| Дата заснавання | 1930 |
| Статус |
 Аб’ект культурнай спадчыны РФ № 5400039000 |
 |
|
 Медыяфайлы на Вікісховішчы | |
Будынак Дзяржаўнага банка — чатырохпавярховы будынак у Цэнтральным раёне Новасібірска ў стылі канструктывізму, пабудаваны ў 1930 годзе. Галоўным фасадам выходзіць на плошчу Леніна, бакавымі фасадамі глядзіць на вуліцу Арджанікідзэ і вуліцу Леніна. Будынак Дзяржбанка — частка архітэктурнага ансамбля плошчы Леніна і помнік архітэктуры федэральнага значэння.
Гісторыя будаўніцтва[правіць | правіць зыходнік]
У 1928 годзе Сібірская краявая кантора Дзяржбанка СССР аб’явіла Усесаюзны конкурс на будаўніцтва будынка Дзяржаўнага банка ў Новасібірску. Быў абраны праект планіроўкі М. Я. Гінзбурга, які меркаваў будаўніцтва будынка плошчай 1000 м². Але ў гэтым жа годзе ў сувязі са скарачэннем Дзяржбанкам СССР фінансавання праект быў зменены.
Складанне новага праекта было даручана А. Д. Крачкову. Пры новым праектаванні Крачкоў аб’яднаў некаторыя архітэктурныя ідэі М. Я. Гінзбурга з ідэямі Л. У. Руднева, В. Р. Мунца і Я. А. Свірскага, праекты якіх таксама прадстаўляліся на Усесаюзным конкурсе. Першапачаткова запраектаваную плошчу будынка вырашана было скараціць.
У 1929 годзе пачалося ўзвядзенне аб’екта, яго пабудовай кіраваў інжынер А. Ф. Патапаў. Будаўніцтва Дзяржбанка было завершана ў 1930 годзе.