Бургаскі заліў

Бургаскі заліў
	балг. Бургаски залив
	; Выгляд заліва і Бургаскага лімана
	42°30′ пн. ш. 27°30′ у. д.HGЯO
Краіна	Балгарыя;
Найбольшая глыбіня	25 м
Салёнасць	17 ‰
Медыяфайлы на Вікісховішчы

Бу́ргаскі заліў (балг.: Бургаски залив) — найбуйнейшы заліў чарнаморскага ўзбярэжжа Балгарыі. Паўночным пунктам яго служыць хвалялом прыстані ў Паморыі, а паўднёвай — мыс Акін.

У заліве размешчаны горад і найбуйнейшы порт Балгарыі — Бургас. Таксама на берагах заліва размешчаны гарады Паморые, Сазопал і Нясебыр (старажытная Месемврыя). Бургаскі заліў з’яўляецца самым заходнім пунктам Чорнага мора.

Апісанне

Максімальная шырыня складае 41 км, а максімальная глыбіня 25 м. Салёнасць складае 17 ‰; пясок мае магнетытнае паходжанне. На захад ад заліва аддзелена група ліманаў лагуннага тыпу, вядомых пад агульнай назвай Бургаскія азёры, сярод якіх Бургас, Мандра, Атанасава і Памарыйскае. У паўднёвай частцы заліва размешчана некалькі невялікіх астравоў, такіх як востраў Святога Івана, востраў Святога Пятра, востраў Святой Анастасіі (раней Бальшавік) і востраў Святога Фамы (у народзе — Змяіны).