Бычыхінскі бой (1942)

Бычыхінскі бой
Асноўны канфлікт: Вялікая Айчынная вайна
Праціўнікі
СССР: 2-я Беларуская партызанская брыгада імя П. К. Панамарэнкі Трэці рэйх

Бычыхінскі бой адбыўся паміж зводным атрадам 2-й Беларускай партызанскай брыгады імя П. К. Панамарэнкі і нямецкім гарнізонам на ст. Бычыха Мехаўскага раёна. У ноч на 15 ліпеня 1942 года партызаны ў складзе 220 чалавек з боем прарвалі драцяныя загароды, уварваліся ў акопы і апорныя пункты нямецкага гарнізона, акружылі і разграмілі гарнізон на станцыі і тэрыторыі былой МТС. У час бою спалены склады з гаручым, знішчаны вагоны, 9 аўтамашын, падарвалі 2 чыгуначныя масты, разбурана чыгуначнае палатно, пашкоджана сувязь, захоплены зброя, боепрыпасы, амуніцыя. Чыгунка Віцебск — Невель была выведзена са строю больш як на суткі.

Памяць

У гонар баявых дзеянняў партызан на будынку станцыі ўстаноўлена мемарыяльная дошка.

Літаратура

• Шумейка, М. Ф. Воземлянскі бой 1941 // Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — С. 347. — 20 000 экз. — ISBN 5-85700-142-0.