Барыс Міхайлавіч Пажарскі

Барыс Міхайлавіч Пажарскі
Старшыня Дзяржаўнага камітэта Савета Міністраў БССР па матэрыяльна-тэхнічнаму забеспячэнню сельскай гаспадаркі 1971 — 1985
Кіраўнік урада	Ціхан Кісялёў Аляксандр Аксёнаў Уладзімір Бровікаў
Папярэднік	Леанід Хітрун
Пераемнік	Ягор Сухарукаў
Нараджэнне	10 снежня 1928(1928-12-10) Цэнтральна-Чарназёмная вобласць[d], РСФСР, СССР
Смерць	невядома
Партыя	КПСС
Адукацыя	Расійскі дзяржаўны аграрны завочны ўніверсітэт[d] (1957)
Месца працы	Жыровіцкі дзяржаўны аграрна-тэхнічны каледж[d]
Узнагароды	Заслужаны інжынер сельскай гаспадаркі Беларускай ССР

Бары́с Міха́йлавіч Пажа́рскі (10 снежня 1928, с. Вялікае Троіцкае Цэнтральна-Чарназёмнай вобласці — ?) — дзяржаўны дзеяч БССР.

Біяграфія

З служачых. Член КПСС (1952). Скончыў Усесаюзны сельскагаспадарчы інстытут завочнага навучання (1957).

З 1953 года галоўны інжынер Жалудоцкай, дырэктар Мірскай МТС, Карэліцкай РТС, Жыровіцкага тэхнікума механізацыі сельскай гаспадаркі. З 1959 года начальнік упраўлення Гродзенскага аблвыканкама, з 1961 года першы сакратар Гродзенскага РК КПБ, з 1963 года старшыня Гродзенскага абласнога аб’яднання Сельгастэхнікі. У 1966—1917 гадах начальнік Глаўка Усесаюзнага аб’яднання Саюзсельгастэхнікі. З 1971 года старшыня рэспубліканскага аб’яднання Белсельгастэхнікі.

Дэпутат Вярхоўнага Савета БССР 8 склікання. На XXVII з’ездзе КПБ абіраўся кандыдатам у члены ЦК КПБ. Узнагароджаны ордэнамі Леніна, Працоўнага Чырвонага Сцяга, медалямі.

Літаратура

• Пажарскі Барыс Міхайлавіч // Беларуская Савецкая Энцыклапедыя. У 12 т. Т. 8. Паддубнікі — Рабкі / Рэдкал.: П. У. Броўка (гал. рэд.) і інш. — Мн.: БелСЭ, 1975. — С. 23. — 676 с.: іл., карты.