Ціхан Якаўлевіч Кісялёў

Ціхан Кісялёў
15-ы Першы сакратар ЦК КП Беларускай ССР 16 кастрычніка 1980 — 11 студзеня 1983
Папярэднік	Пётр Міронавіч Машэраў
Пераемнік	Мікалай Мікітавіч Слюнькоў
Намеснік Старшыні Савета Міністраў СССР 5 снежня 1978 — 23 кастрычніка 1980
Кіраўнік урада	Аляксей Мікалаевіч Касыгін
5-ы Старшыня Савета Міністраў Беларускай ССР 9 красавіка 1959 — 11 снежня 1978
Папярэднік	Мікалай Яфрэмавіч Аўхімовіч
Пераемнік	Аляксандр Нічыпаравіч Аксёнаў
5-ы Першы сакратар Брэсцкага абкама КПСС 1952 — жнівень 1955
Папярэднік	Фёдар Пахомавіч Сіляеў
Пераемнік	Пётр Міронавіч Машэраў
Нараджэнне	30 ліпеня (12 жніўня) 1917 Агародня Кузьмініцкая, Гомельскі павет, Магілёўская губерня, Расійская імперыя
Смерць	11 студзеня 1983(1983-01-11) (65 гадоў) Мінск, БССР, СССР
Месца пахавання	Усходнія могілкі
Нацыянальнасць	беларус
Партыя	КПСС з 1940
Член у	ЦК КПСС
Адукацыя	Рэчыцкага педагагічнага вучылішча (1936) Гомельскі педагагічны інстытут імя В. П. Чкалава (1941) Вышэйшая партыйная школа пры ЦК УКП(б)[d] (1946)
Прафесія	выкладчык беларускай мовы і літаратуры
Дзейнасць	палітык
Узнагароды

Ці́хан Я́каўлевіч Кісялё́ў (30 ліпеня (12 жніўня) 1917, в. Агародня Дабрушанскай воласці, Гомельскі павет — 11 студзеня 1983, Мінск) — дзяржаўны і партыйны дзеяч БССР.

Біяграфія

Беларус. З 1936 г. знаходзіўся на выкладчыцкай працы, працаваў дырэктарам школы. Член УКП(б) з 1940 года. Скончыў Гомельскі педагагічны інстытут (1941). Падчас 2-й сусветнай вайны, з 1944 года на партыйнай рабоце ў Сталінградскай вобласці. Скончыў ВПШ пры ЦК УКП(б) (1946). У 1948—1952 гг. на працы ў апараце ЦК КП(б)Б, з 1952 года — першы сакратар Брэсцкага абкама, з 1955 — сакратар, другі сакратар ЦК КПБ. У 1959—1978 Старшыня Савета Міністраў БССР. У 1978—1980, пасля адстаўкі К. Мазурава, намеснік Старшыні Савета Міністраў СССР. Кандыдат у члены Палітбюро ЦК з 21 кастрычніка 1980 года. З 1980 года, пасля смерці П. Машэрава, першы сакратар ЦК КПБ.

Дэпутат Вярхоўнага Савета СССР IV—X скліканняў. Член ЦК КПСС у 1961—1983 гадах.

Сям’я

Жонка Ніна Фёдараўна Лапіцкая, дачкі Людміла і Ангеліна, унукі Ірына і Ціхан.

Узнагароды

• Герой Сацыялістычнай Працы (1977)
• Пяць ордэнаў Леніна
• Ордэн Кастрычніцкай Рэвалюцыі
• Ордэн «Знак Пашаны»

Памяць

Яго імём названы вуліцы ў Мінску, Гомелі. У Мінску на доме № 4 па Бранявым завулку ў 1983 годзе ўстаноўлена мемарыяльная дошка (сілумін; скульпт. У. Лятун).

Літаратура

• Киселев Тихон Яковлевич // Известия ЦК КПСС. 1990. № 7;
• Киселев Тихон // История Беларуси: Словарь-справочник. — Мн.: Экономпресс, 2000. ISBN 985-6479-22-3
• Кісялёў Ціхан Якаўлевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 387. — 800 с. — 5 000 экз. — ISBN 985-11-0026-9.