Вадзім Іванавіч Мілько

Вадзім Мілько
Агульная інфармацыя
Поўнае імя	Вадзім Іванавіч Мілько
Нарадзіўся	22 жніўня 1986(1986-08-22) (33 гады) Пэрвамайск, Мікалаеўская вобласць, УССР, СССР
Грамадзянства	Украіна
Рост	183 см
Вага	77 кг
Пазіцыя	паўабаронца
Інфармацыя пра клуб
Клуб	Колас (Каваліўка)
Нумар	14
Кар’ера
Клубная кар’ера*
2002 — 2009	Дынама (Кіеў)	2 (0)
2002 — 2003	→  Дынама-3 (Кіеў)	28 (1)
2003 — 2007	→  Дынама-2 (Кіеў)	75 (12)
2008 — 2009	→  Харкаў	39 (0)
2009 — 2012	Зара (Луганск)	44 (1)
2012	Ворскла (Палтава)	2 (0)
2013	Белшына (Бабруйск)	28 (3)
2014 — 2016	Слуцк	71 (4)
2017	Верас (Роўна)	1 (0)
2017 —	Колас (Каваліўка)
Нацыянальная зборная**
2007	Украіна (да 21)	3 (0)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 ліпеня 2017. ** Колькасць гульняў і галоў за нацыянальную зборную ў афіцыйных матчах, адкарэктавана станам на канец 2012.

Вадзім Мілько (нар. 22 жніўня 1986, Первамайск, УССР) — украінскі футбаліст, паўабаронца клуба «Колас» з Каваліўкі.

Кар’ера

Клубная

У 2002 трапіў у сістэму кіеўскага «Дынама», гуляў за фарм-клубы, за асноўную каманду правёў толькі дзве сустрэчы. У 2009—2012 быў іграком луганскай «Зары», улетку 2012 трапіў у палтаўскую «Ворсклу».

У лютым 2013 стаў іграком бабруйскай «Белшыны». Трывала выступаў у аснове бабруйскага клуба, звычайна на пазіцыі апорнага паўабаронцы. Па заканчэнні сезону ў снежні 2013 пакінуў бабруйскі клуб.

У пачатку 2014 знаходзіўся на праглядзе ў «Севастопалі», але ў выніку ў сакавіку 2014 падпісаў кантракт з дэбютантам беларускай Вышэйшай лігі «Слуцкам». У слуцкім клубе стаў трывалым іграком асновы, звычайна гуляў як апорны паўабаронца, але нярэдка выступаў на флангах. Стаў самым рэзультатыўным іграком «Слуцка» ў першай палове сезону 2014, забіўшы 2 галы і аддаўшы 3 галявыя перадачы.

У канцы чэрвеня 2014 пакінуў «Слуцк» па заканчэнні кантракта. Але, не здолеўшы працаўладкавацца ва Украіне, 16 ліпеня падпісаў новае пагадненне са «Слуцкам». У пачатку жніўня, аднак, атрымаў траўму, з-за якой выбыў на некалькі месяцаў. Вярнуўся на поле толькі ў лістападзе 2014, звычайна выходзячы на замену.

У снежні 2014 чарговы раз пакінуў «Слуцк» па заканчэнні кантракта, але ў студзені 2015 года зноў падоўжыў кантракт з клубам. У сезоне 2015 заставаўся асноўным іграком случан, але па заканчэнні сезону кантракт быў разарваны.

У студзені 2016 года знаходзіўся на праглядзе ў «Александрыі», але не падышоў. У лютым 2016 вярнуўся ў Слуцк і неўзабаве падпісаў новы кантракт з клубам. Улетку некаторы час быў капітанам каманды. Па заканчэнні сезону разарваў кантракт са «Слуцкам».

У сакавіку 2017 года вярнуўся ва Украіну, падпісаўшы кантракт з ровенскім «Верасам», аднак ужо ў красавіку пакінуў яго. Пазней далучыўся да каваліўскага «Коласа» і ў ліпені 2017 года афіцыйна стаў іграком гэтага клуба.

Міжнародная

Выступаў за юнацкія зборныя Украіны. У 2007 згуляў тры матчы за моладзевую зборную Украіны.

Спасылкі

• Статыстыка на сайце footballfacts.ru (руск.) 
• Статыстыка на сайце Федэрацыі футбола Украіны (укр.) 
• Профіль на сайце transfermarkt.de(ням.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)