ФК Слуцк
| Слуцк | |||
|---|---|---|---|
 | |||
| Поўная назва | ГА «Спартыўны футбольны клуб „Слуцк“» | ||
| Заснаваны | 1998 | ||
| Горад | Слуцк, Беларусь | ||
| Стадыён |
Гарадскі Умяшчальнасць: 1896 |
||
| Старшыня | Віталь Бунас | ||
| Галоўны трэнер | Аляксандр Гурыновіч (в. а.) | ||
| Чэмпіянат | Вышэйшая ліга | ||
| 2021 | 9 месца | ||
| Сайт | Афіцыйны сайт | ||
| |||
«Слуцк» — беларускі футбольны клуб з горада Слуцк, заснаваны ў 1998 годзе. У цяперашні час выступае ў Вышэйшай лізе чэмпіянату Беларусі.
Гісторыя[правіць | правіць зыходнік]
Клуб быў заснаваны ў 1998 годзе пад назвай «Слуцк», пазней стаў называцца «Слуцкцукар». Да 2007 гуляў у чэмпіянаце Мінскай вобласці, стаў чэмпіёнам вобласці ў 2002 і 2007.
У 2008 «Слуцкцукар» заявіўся ў Другую лігу, а па выніках сезона 2010 атрымаў месца ў Першай лізе. Тады ж клуб вярнуў назву «Слуцк».
У Першай лізе на працягу двух сезонаў клуб займаў пятае месца.
2013[правіць | правіць зыходнік]
У сезоне 2013 каманда разглядалася як адзін з фаварытаў турніру, але не лічылася галоўным прэтэндэнтам на павышэнне. Пачатак турніру атрымаўся не вельмі добры: каманда пацярпела паражэнні ў трэцім і чацвёртым турах. У выніку доўгі час прыйшлося даганяць галоўных канкурэнтаў: «Гарадзею» і «Віцебск». Пасля перамогі ў 14-м туры над «Віцебскам» (4:1) «Слуцк» выйшаў на другі радок, а пасля 21-га тура перагнаў «Гарадзею» і ўзначаліў турнірную табліцу. Пасля перамогі ў перадапошнім туры над «Віцебскам» (1:0) «Слуцк» стаў недасягальны для супернікаў і гарантаваў сабе выхад у Вышэйшую лігу.
2014[правіць | правіць зыходнік]
У сезоне 2014 каманда захавала асноўных ігракоў, узмацніўшыся пры гэтым шэрагам легіянераў. У выніку, каманда апынулася ў ніжняй частцы табліцы. Пазней, трохі паправіўшы сваё становішча, «Слуцк» узняўся на дзявяты радок, з якога пасля падзелу Вышэйшай лігі на шасцёркі трапіў у другую шасцёрку. У ніжняй палове табліцы справы ў «Слуцка» пайшлі лепш, ён узняўся на восьмае месца, але няўдалы фініш дазволіў гродзенскаму «Нёману» перагнаць случан, пакінуўшы тых дзявятымі.
2015[правіць | правіць зыходнік]
Сезон 2015 каманда пачала няўдала, неўзабаве апынуўшыся на апошнім радку табліцы. У жніўні 2015 года быў адпраўлены ў адстаўку шматгадовы галоўны тренер каманды Юрый Крот. Выконваць абавязкі галоўнага трэнера стаў ігрок каманды Вячаслаў Грыгараў. Пад яго кіраўніцтвам «Слуцк» здолеў паправіць сваё становішча, і сезон каманда скончыла на 11-м месцы з 14.
2016[правіць | правіць зыходнік]
У студзені 2016 года Грыгараў быў зацверджаны ў якасці галоўнага трэнера каманды. Пачатак сезона атрымаўся няўдалым, каманда апынулася ў зоне вылету. У чэрвені клуб развітаўся з вопытнымі ігракамі і лідарамі каманды — Ігарам Варанковым, Яўгенам Лашанковым і Сяргеем Цвяцінскім. У ліпені замест іх прыйшлі новыя ігракі, аднак каманда працягвала знаходзіцца ўнізе табліцы. Пасля паражэння ў верасні ад аўтсайдэра, мікашэвіцкага «Граніта», Грыгараў быў адпраўлены ў адстаўку, але неўзабаве кіраўніцтва клуба вырашыла пакінуць трэнера на пасадзе, а звольніць яго памочніка Андрэя Баса. Фініш каманда здолела правясці паспяхова, заняўшы выніковае 12-е месца з 16.
2017[правіць | правіць зыходнік]
У студзені 2017 года новым галоўным трэнерам замест Грыгарава быў прызначаны Віталь Паўлаў. Слуцкі клуб паспяхова пачаў сезон, выйшаўшы ў паўфінал Кубка Беларусі, а ў чэмпіянаце ішоў сярод лідараў, скончыўшы першую палову чэмпіянату на чацвёртым месцы. Другая палова сезона атрымалася для «Слуцка» менш удалай, і каманда заняла выніковы сёмы радок.
2018[правіць | правіць зыходнік]
Сезон 2018 каманда зноў пачала ўпэўнена і хутка апынулася сярод лідараў. Першую палову сезона «Слуцк» скончыў на пятым месцы. Аднак, другая палова сезона атрымалася значна горшай. Слуцкая каманда саступіла ў апошніх дзевяці матчах, але папярэдніх поспехаў хапіла, каб атрымаць выніковы восьмы радок.
2019[правіць | правіць зыходнік]
Сезон 2019 «Слуцк» пачаў няўдала і апынуўся недалёка ад зоны вылету, аднак добрая гульня ў сярэдзіне сезона дазволіла падняцца ў сярэдзіну табліцы. Пазней шэраг няўдач зноў апусціў каманду, аднак перамога ў апошнім туры дазволіла заняць выніковае 11-е месца.
2020[правіць | правіць зыходнік]
Слуцкі клуб добра пачаў сезон 2020, пасля сямі тураў аднаасобна ўзначальваў турнірную табліцу, нягледзячы на скарачэнне фінансавання з-за змены кіраўніцтва асноўнага спонсара — Слуцкага цукрарафінаднага камбіната (дырэктар камбіната Мікалай Пруднік, які падтрымліваў клуб, быў арыштаваны пад так званай «цукровай справе»). Аднак пазней пайшлі паражэнні за паражэннямі, і «Слуцк» апусціўся ў ніжнюю палову табліцы, а ў канцы турніру вымушаны быў весці барацьбу за выжыванне. Яшчэ ў чэрвені, пасля першых няўдач, каманду пакінуў галоўны трэнер Віталь Паўлаў, выканаўцам абавязкаў трэнера застаўся яго памочнік Аляксандр Кончыц, а ў кастрычніку «Слуцк» узначаліў Аляксандр Бразевіч. Пад яго кіраўніцтвам каманда заняла выніковае 14-е месца, аднак у стыкавых матчах за месца ў Вышэйшай лізе перайграла «Крумкачы» (2:0, 2:1) і засталася ў элітным дывізіёне.
2021[правіць | правіць зыходнік]
У пачатку сезона 2021 фан-рух «Слуцка» адмовіўся падтрымліваць клуб, пакуль у краіне працягваюцца палітычныя судовыя справы, збіццё і забойства людей за ўласныя меркаванні[1].
У 2021 годзе «Слуцк» знаходзіўся пераважна ў ніжняй частцы турнірнай табліцы, нярэдка быў блізкі да зоны вылету, аднак паспяховы фініш дазволіў заняць выніковы дзявяты радок.
Папярэднія назвы[правіць | правіць зыходнік]
- 1998—2003: «Слуцк»
- 2004—2010: «Слуцкцукар»
- з 2011: «Слуцк»
Дасягненні[правіць | правіць зыходнік]
- Пераможца чэмпіянату Мінскай вобласці (2): 2002, 2007
- Пераможца Першай лігі чэмпіянату Беларусі: 2013
Цяперашні склад[правіць | правіць зыходнік]
Станам на верасень 2022 года, згодна з афіцыйным сайтам клуба[2].
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Рэзервовы склад[правіць | правіць зыходнік]
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Трэнерскі штаб[правіць | правіць зыходнік]
Аляксандр Гурыновіч (нар. 1985) — в. а. галоўнага трэнера- Дзмітрый Шчагрыковіч (нар. 1983) — трэнер
- Уладзімір Гаеў (нар. 1978) — трэнер брамнікаў
- Ігар Тарлоўскі (нар. 1974) — галоўны трэнер дубля
Статыстыка выступленняў[правіць | правіць зыходнік]
Чэмпіянат і Кубак Беларусі[правіць | правіць зыходнік]
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 2008 | Другая (Д3) | 5 | 30 | 15 | 6 | 9 | 53–37 | 51 | 1/32 фіналу | |
| 2009 | Другая (Д3) | 4 | 26 | 14 | 3 | 9 | 49–37 | 45 | 1/16 фіналу | |
| 2010 | Другая (Д3) | 2 | 34 | 25 | 6 | 3 | 79–30 | 81 | 1/16 фіналу |  Выхад у Першую лігу
|
| 2011 | Першая (Д2) | 5 | 30 | 13 | 10 | 7 | 44–33 | 49 | 1/16 фіналу | |
| 2012 | Першая (Д2) | 5 | 28 | 15 | 7 | 6 | 59–27 | 52 | 1/16 фіналу | |
| 2013 | Першая (Д2) | 1 | 30 | 19 | 9 | 2 | 54–19 | 66 | 1/8 фіналу | Выхад у Вышэйшую лігу
|
| 2014 | Вышэйшая (Д1) | 9 | 32 | 11 | 7 | 14 | 26–34 | 40 | 1/8 фіналу | |
| 2015 | Вышэйшая (Д1) | 11 | 26 | 6 | 7 | 13 | 26–30 | 25 | Чвэрцьфінал | |
| 2016 | Вышэйшая (Д1) | 12 | 30 | 6 | 12 | 12 | 22–34 | 30 | Паўфінал | |
| 2017 | Вышэйшая (Д1) | 7 | 30 | 12 | 8 | 10 | 30–34 | 44 | Чвэрцьфінал | |
| 2018 | Вышэйшая (Д1) | 8 | 30 | 11 | 3 | 16 | 26–36 | 36 | Чвэрцьфінал | |
| 2019 | Вышэйшая (Д1) | 11 | 30 | 9 | 7 | 14 | 29–46 | 34 | 1/8 фіналу | |
| 2020 | Вышэйшая (Д1) | 14 | 291 | 8 | 3 | 18 | 31–55 | 27 | 1/8 фіналу | |
| Пераходныя матчы2 | 2 | 2 | 0 | 0 | 4–1 | |||||
| 2021 | Вышэйшая (Д1) | 9 | 30 | 9 | 8 | 13 | 36–44 | 35 | 1/8 фіналу |
- 1 Матч апошняга тура Вышэйшай лігі 2020 «Слуцк» — «Смалявічы» са згоды АБФФ так і не быў згуляны.
- 2 Пераходныя матчы за месца ў Вышэйшай лізе супраць «Крумкачоў» (Мінск), трэцяй каманды Першай лігі 2020 (2:0, 2:1).
Галоўныя трэнеры[правіць | правіць зыходнік]
- Юрый Крот (2005 — жнівень 2015)
- Вячаслаў Грыгараў (в. а. у жніўні 2015 — студзені 2016; студзень 2016 — студзень 2017)
- Віталь Паўлаў (студзень 2017 — чэрвень 2020)
- Аляксандр Кончыц (в. а. у чэрвені — кастрычніку 2020)
- Аляксандр Бразевіч (кастрычнік 2020 — жнівень 2022)
- Аляксандр Гурыновіч (в. а. са жніўня 2022)
Зноскі
- ↑ Фанаты белорусских футбольных клубов массово объявляют о бойкоте матчей(руск.) (недаступная спасылка). TUT.BY (28 лютага 2021). Архівавана з першакрыніцы 28 лютага 2021. Праверана 28 лютага 2021.
- ↑ Главная команда (руск.) . Афіцыйны сайт СФК «Слуцк»
Спасылкі[правіць | правіць зыходнік]
- Афіцыйны сайт клуба (руск.)
- Профіль на сайце globalsportsarchive.com (англ.)
- Профіль на сайце wildstat.ru (руск.)
Тэматычныя сайты |
|---|
 | |
|---|---|
| |