Валерый Мікалаевіч Палішчук

Валерый Мікалаевіч Палішчук
Валерый Мікалаевіч Палішчук
Дата нараджэння	30 кастрычніка 1963 (60 гадоў)
Месца нараджэння	Прыазёрнае[d], Таранаўскі раён[d], Кастанайская вобласць, Цалінны край[d], Казахская ССР, СССР;
Альма-матар	Магілёўскі інстытут МУС Рэспублікі Беларусь (1987); Акадэмія Міністэрства ўнутраных спраў Рэспублікі Беларусь (1994);
Месца працы	Магілёўскі інстытут МУС Рэспублікі Беларусь;
Званне	Генерал-маёр
Узнагароды і званні

Валерый Мікалаевіч Палішчук (нар. 30 кастрычніка 1963, с. Прыазёрнае, Табольскі раён, Кустанайская вобласць, Казахская ССР) — генерал-маёр міліцыі.

Біяграфія[правіць | правіць зыходнік]

Служыў міліцыянерам лінейнага пункта міліцыі на станцыі Шэманаіха лінейнага аддзела ўнутраных спраў на станцыі Абарона Усходняга ўпраўлення ўнутраных спраў на транспарце МУС Казахскай ССР.

У 1987 годзе скончыў з адзнакай Магілёўскую спецыяльную сярэднюю школу транспартнай міліцыі МУС СССР. У 1987 годзе прызначаны на пасаду оперупаўнаважанага аддзялення крымінальнага вышуку службы крымінальнай міліцыі аддзела ўнутраных спраў Цэнтральнага райвыканкама Магілёва.

У 1994 годзе скончыў Акадэмію міліцыі МУС Рэспублікі Беларусь. У 1996 годзе стаў намеснікам начальніка аддзела ўнутраных спраў Ленінскага райвыканкама Магілёва — начальнікам службы крымінальнай міліцыі. У 1999—2001 гадах — начальнік аддзела ўнутраных спраў Чавускага райвыканкама, далей — начальнік аддзела ўнутраных спраў адміністрацыі Кастрычніцкага раёна г. Магілёва.

У 2005—2009 гадах служыў намеснікам начальніка крымінальнай міліцыі па аператыўна-вышуковай працы УУС Магаблвыканкама, потым першым намеснікам начальніка УУС — начальнікам крымінальнай міліцыі. Да верасня 2014 года знаходзіўся на пасадзе начальніка ўпраўлення ўнутраных спраў Гомельскага аблвыканкама. У верасні 2014 года прызначаны начальнікам Магілёўскага інстытута МУС Рэспублікі Беларусь^[1].

У 2019 годзе абраны членам Савета Рэспублікі Нацыянальнага сходу Рэспублікі Беларусь 7-га склікання ад Магілёўскай вобласці^[2].

Узнагароды[правіць | правіць зыходнік]

медаль «За бездакорную службу» III ступені,
медаль «За бездакорную службу» II ступені,
медаль «За бездакорную службу» I ступені (2011)^[1],
ордэн «За службу Радзіме» III ступені (2019)^[3],
нагрудны знак Міністэрства ўнутраных спраў Рэспублікі Беларусь «Ганаровы супрацоўнік МУС»,
нагрудны знак Міністэрства ўнутраных спраў Рэспублікі Беларусь «За адданасць абавязку і прысязе»,
ганаровая грамата Міністэрства ўнутраных спраў Рэспублікі Беларусь,
ганаровая грамата Генеральнай пракуратуры Рэспублікі Беларусь,
ганаровая грамата Міністэрства ўнутраных спраў Расійскай Федэрацыі,
падзяка старшыні Палаты прадстаўнікоў Нацыянальнага сходу Рэспублікі Беларусь.

Зноскі

↑ ^а ^б НАЧАЛЬНИК МОГИЛЕВСКОГО ИНСТИТУТА МВД — ВАЛЕРИЙ ПОЛИЩУК Архівавана 5 кастрычніка 2019.
↑ Полищук Валерий Николаевич(недаступная спасылка)
↑ Госнаград и благодарностей Президента удостоены представители различных сфер. 29 августа 2019

[vecherniy-1] а ^б НАЧАЛЬНИК МОГИЛЕВСКОГО ИНСТИТУТА МВД — ВАЛЕРИЙ ПОЛИЩУК Архівавана 5 кастрычніка 2019.

[2] Полищук Валерий Николаевич(недаступная спасылка)

[3] Госнаград и благодарностей Президента удостоены представители различных сфер. 29 августа 2019

[1]

[2]

[3]