Васіль Леановіч
| Васіль Леановіч | |
|---|---|
| Василей Леоновичъ, Wasili Leonowicz, Bazyli Leoszkiewicz | |
| Дата нараджэння | каля 1600 |
| Дата смерці | не раней за 5 мая 1668 |
| Пасада | бурмістр |
| Бітвы/войны | |
Васіль Леановіч (каля 1600 — пасля 5 мая 1668) — адзін з кіраўнікоў Магілёўскага паўстання 1661 года, бурмістр месца Магілёўскага.
Біяграфія
[правіць | правіць зыходнік]У 1633 магілёўскі купец Васіль Леановіч быў сярод «добра месцу заслужаных» мяшчан. У 1639 займаў пасаду райцы, з 1643 бурмістра магілёўскага[1].
У 1661 Васіль Леановіч прыняў удзел у паўстанні, якое пачалося з-за рабаўніцтва на рынку маскоўскімі ратнікамі магілёўскіх гандлярак. Па папярэдняй дамоўленасці з магістратам мяшчане пачалі наўмысна гучна крычаць. На такі крык бурмістр Іосіф Івановіч, узброены катаўскім мячом, з воклічам «Пара! Пара!» кінуўся секчы крыўдзіцеляў. Зазваніў брацкі звон, які таксама быў сігналам да пачатку паўстання. На дапамогу мяшчанам прыйшлі выпушчаныя імі ваеннапалонныя[2]. Маскоўскі гарнізон амаль цалкам быў вынішчаны, выратаваліся толькі некалькі чалавек, якія, дабегшы да Рослава, паведамілі, што «могилевские мещане… изменили… ратных людей в Могилеве всех порубили»[3]. У палон узялі ваявод С. С. Гарчакова, М. А. Палуэктава, стралецкага галаву С. І. Чэкіна і іншых афіцэраў. Васіль Леановіч быў абраны ў пасольства, якое даставіла палонных на сейм у Варшаву. За актыўны ўдзел у паўстанні атрымаў ад караля шляхецтва[4].
Апошні раз згадваецца ў дакументах 5 мая 1668[4].
Зноскі
- ↑ Историко-юридические материалы, извлеченные из актовых книг губерний Витебской и Могилевской. — Вып. 9: [Приходо-расходная книга г. Могилева за 1692 г.; Акты, извлеченные из книг Могилевского магистрата за 1635―1646 гг.], 1878. — 546, VII с.
- ↑ Полное собрание русских летописей. Т.35. Летописи белорусско-литовские / Сост. и автор предисл. Н. Н. Улащик. М., Наука. 1980. — С. 306
- ↑ Акты Московского государства, изданные Императорскою Академиею наук / Под ред. Н. А. Попова, Д. Я. Самоквасова. Т. 3. — СПб., 1901. — С. 324
- ↑ а б Историко-юридические материалы, извлеченные из актовых книг губерний Витебской и Могилевской. — Вып. 10: [Приходо-расходная книга г. Могилева за 1695 г.; Акты, извлеченные из книг Могилевского магистрата за 1646―1706 гг.], 1879. — 544, VIII с.