Візіт (фільм, 1954)

Візіт
фр.: Une visite
Жанр	нямое кіно
Рэжысёр	Франсуа Труфо
Сцэнарыст	Франсуа Труфо
Аператар	Жак Рывет
Працягласць	8 хв.
Краіна	Францыя
Мова	французская
Год	1955
IMDb	ID 0048766

«Візіт» (фр.: Une visite) — французскі кароткаметражны нямы фільм, зняты ў канцы 1954 года. Дэбютная праца заснавальніка і класіка французскай новай хвалі рэжысёра Франсуа Труфо. У стварэнні фільма прынялі ўдзел сябры і знаёмыя рэжысёра. Здымкі прайшлі за пяць дзён у парыжскай кватэры сям’і знаёмых. Аператарам выступіў Жак Рывет, які здолеў знайсці кінакамеру і 16-мм кінастужку. Усіх чатырох персанажаў фільма сыгралі маладыя непрафесійныя акцёры. Труфо сам зрабіў першую мантажную версію карціны, аднак аказаўся не задаволены сваёй працай. Пасля гэтага да яго прыйшоў на дапамогу Ален Рэнэ, які перамантаваў плёнку. На гэты раз, на думку Труфо, стала лепш, але ён усё роўна не прызнаваў кароткаметражку сваім першым фільмам і паказваў толькі знаёмцам. У пачатку 1980-х гадоў фільм быў перанесены на 35-мм плёнку і рэжысёр зрабіў паказ для ўдзельнікаў здымкі.