Вікіпедыя:Абмеркаванне правіл/Адміністрацыйны падзел Беларусі

Тут знаходзяцца абмеркаванні, якія завяршыліся. Просьба не ўносіць змен.

Прапаную надаць афіцыйны статус рэкамендацыі ў адпаведнасці з прынцыпамі Вікіпедыя:Правілы старонцы Вікіпедыя:Адміністрацыйны падзел Беларусі.

Старонка з’явілася ў беларускай вікіпедыі ў 2018 годзе са статусам эсэ. Закранае спецыфічную тэму, у многім звязана з праектам Вікіпедыя:Праект:Беларусь/Заліўка. Змест старонкі шырока абмяркоўваўся адразу пасля стварэння (гл. Размовы пра Вікіпедыю:Адміністрацыйны падзел Беларусі) і пасля невялікіх удакладненняў фактычна стаў кансэнсусным. Ужо на працягу пяці гадоў змест артыкулаў пра адміністрацыйны падзел адпавядае эсэ, таму прапаную надаць статус рэкамендацыі.--Artsiom91 (размовы) 13:56, 30 кастрычніка 2023 (+03)[адказаць]

Меркаванні[правіць зыходнік]

Тэма даволі грунтоўна распрацавана, аднак, калі закранулі гістарычныя адміністрацыйна-тэрытарыяльныя адзінкі (паветы), то варта апісваць падыход і да іншых адзінак рознага ўзроўню (воласці, акругі). Афармленне артыкулаў пра населеныя пункты выглядае найбольш запатрабаваным для большасці — тут варта развіць тэму (магчыма ў асобнае эсэ ⇒ правіла). DobryBrat (размовы) 17:48, 30 кастрычніка 2023 (+03)[адказаць]

Распрацаваць сумежныя тэмы мае сэнс. Аднак, прытрымліваюся думкі, што правілы павінны не ўводзіць нейкія новыя патрабаванні, а толькі замацоўваць тое, што склалася на практыцы ў выніку кансэнсусу ўдзельнікаў (асабліва калі тэма складаная, меліся розныя падыходы і спрэчкі). Пра воласці і акругі нейкіх спрэчак не было, добрыя практыкі не былі напрацаваны і няма кансэнсусу, якімі яны павінны быць. Тое ж тычыцца і населеных пунктаў, там ёсць напрыклад напрацоўкі Удзельнік:Чаховіч Уладзіслаў/Як напісаць добры артыкул пра горад, але яны пакуль не атрымалі дастатковай папулярнасці. Калі ж будзе знойдзены кансэнсус па іншых тэмах, то вядома, можна будзе як дапісаць на Вікіпедыя:Адміністрацыйны падзел Беларусі, так і стварыць асобныя старонкі з рэкамендацыямі.--Artsiom91 (размовы) 21:53, 30 кастрычніка 2023 (+03)[адказаць]

Вынік[правіць зыходнік]

Заўваг няма, старонка прынята ў якасці рэкамендацыі. Для сумежных тэм можна будзе распрацоўваць і зацвярджаць падобныя рэкамендацыі асобна. --Artsiom91 (размовы) 17:31, 11 снежня 2023 (+03)[адказаць]