Валянцін Андрэевіч Ліхапол

Валянцін Андрэевіч Ліхапол
Дата нараджэння	23 снежня 1938(1938-12-23) (85 гадоў)
Месца нараджэння	Івашкіўка, Гараднянскі раён, Чарнігаўская вобласць, УССР, СССР
Альма-матар	Кіеўскі дзяржаўны мастацкі інстытут (1967)
Месца працы	Чарнігаўскі філіял інстытута «Дзіпраграмадзянпрамбуд»[d] Гомельскі аддзел Белкааппраекта[d] Гомельграмадзянпраект[d]
Член у	Саюз архітэктараў СССР
Узнагароды

Валянцін Андрэевіч Ліхапол (нар. 23 снежня 1938, с. Івашкіўка, Чарнігаўская вобласць, УССР) — беларускі архітэктар.

Біяграфія

Скончыў у 1967 годзе Кіеўскі мастацкі інстытут (выкладчык І. Г. Шамсядзінаў). З 1967 года працаваў у Чарнігаўскім філіяле інстытута «Дзіпраграмадзянпрамбуд»; з 1971 года архітэктар, пасля галоўны архітэктар праектаў у Гомельскім аддзеле «Белкааппраекта»; з 1990 года галоўны архітэктар праектаў, начальнік групы архітэктараў праектнага інстытута «Гомельграмадзянпраект».

Член Саюза архітэктараў СССР з 1980 года. Пражываў у Гомелі.

Творчасць

Асноўныя працы: помнік загінулым воінам-аднавяскоўцам у с. Івашкіўка Чарнігаўскай вобласці (1975), вытворчыя будынкі ПМК, СПМК і праектнага аддзела Белкааппраекта ў Гомелі (1981), гандлёвы цэнтр у Крынічным Мазырскага раёна (1985); помнік загінулым воінам-інтэрнацыяналістам (1997—1998, будаўніцтва ў 1998—2002); царква Іверскага абраза Маці Божай (1997—1999, будаўніцтва ў 1999—2003); храм у гонар свяціцеляў Кірыла і Лаўрэнція ў Тураве (2008, саўтары М. В. Ліхапол, А. В. Ліхапол); храм у гонар Абраза Божай Маці «Скорапаслушніцы» ў Гомелі (2008, саўтары М. В. Ліхапол, А. В. Ліхапол).

Узнагароды

Узнагароджаны сярэбраным медалём ВДНГ СССР за дасягнутыя поспехі ў развіцці народнай гаспадаркі СССР (Гандлёвы цэнтр пас. Крынічны Мазырскага раёна. Дыпломам Міністэрства архітэктуры і будаўніцтва Беларусі на V нацыянальным фестывалі архітэктуры 2003 года за Помнік загінулым воінам-інтэрнацыяналістам.

Літаратура

• Лихопол Валентин Андреевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
• Лихопол Валентин Андреевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)